قازٸر الماتىداعى شىعارىندىلارى تٶمەن ايماق (LEZ) تەك پيلوتتىق رەجيمدە جۇمىس ٸستەپ تۇر. 2026 جىلى 28 سەۋٸردە ٸسكە قوسىلعان تەحنيكالىق پيلوتتىق جوبا جىل سوڭىنا دەيٸن جالعاسادى. بۇل تۋرالى زاڭ شىعارۋ سالاسىنىڭ ساراپشىسى, الماتىنىڭ اتموسفەرالىق اۋاسىن قورعاۋ قاعيدالارىن ەزٸرلەۋ جٶنٸندەگٸ جۇمىس توبىنىڭ جەتەكشٸسٸ ەرلان بۇزىرباەۆ ايتتى, دەپ حابارلايدى dalanews.kz.
«پيلوتتىق رەجيمدە اۆتوكٶلٸكتەردٸ مٸندەتتٸ تٷردە تەحنيكالىق تەكسەرۋدەن ٶتكٸزۋ, ايماققا كٸرگەنٸ ٷشٸن اقى الۋ, قوزعالىستى شەكتەۋ نەمەسە ايىپپۇل سالۋ قاراستىرىلماعان. قازٸر اۆتوكٶلٸك يەلەرٸنٸڭ تەحنيكالىق تەكسەرۋدەن ٶتۋٸ ەرٸكتٸ. ال ودان ٶتپەۋ ەشقانداي قۇقىقتىق سالدارعا ەكەپ سوقپايدى», – دەدٸ ول.
ەسكە سالايىق, الماتى قالاسىنىڭ اتموسفەرالىق اۋاسىن قورعاۋ قاعيدالارى مەسليحاتتىڭ 2025 جىلى 30 جەلتوقسانداعى №272 شەشٸمٸمەن بەكٸتٸلدٸ. قاعيدالاردىڭ ارنايى ەكولوگييالىق تالاپتار مەن LEZ جۇمىسىنا قاتىستى كەيبٸر نورمالارى العاشقى رەسمي جارييالانعان كٷننەن باستاپ بٸر كٷنتٸزبەلٸك جىل ٶتكەن سوڭ كٷشٸنە ەنەدٸ.
«تيٸستٸ نورمالاردىڭ كٷشٸنە ەنۋٸ شەكتەۋلەردٸڭ اۆتوماتتى تٷردە ەنگٸزٸلەتٸنٸن بٸلدٸرمەيدٸ. LEZ-دٸ تۇراقتى رەجيمگە كٶشٸرۋ ٷشٸن الماتى قالاسى ەكٸمدٸگٸنٸڭ شىعارىندىلارى تٶمەن ايماقتىڭ شەكاراسىن بەلگٸلەۋ تۋرالى جەكە قاۋلىسى قاجەت. بۇل قاۋلى قابىلدانعانعا دەيٸن قازٸرگٸ شەكارالار تەك پيلوتتىق جوبا اياسىندا قولدانىلادى», – دەدٸ ساراپشى.
ونىڭ ايتۋىنشا, الماتىنىڭ گەوگرافييالىق ەرەكشەلٸكتەرٸن ەسكەرە وتىرىپ, پيلوتتىق جوبا قورىتىندىسى بويىنشا LEZ شەكاراسىن بٷكٸل قالا اۋماعىندا بەلگٸلەۋ مەسەلەسٸن قاراستىرعان جٶن. الماتى تاۋ بٶكتەرٸندەگٸ ويىستا ورنالاسقاندىقتان, مۇنداعى كليماتتىق جەنە تابيعي جاعدايلار لاستاۋشى زاتتاردىڭ اۋادا تابيعي جولمەن تارالۋىنا كەدەرگٸ كەلتٸرەدٸ. اتموسفەرالىق اۋانىڭ لاستانۋى كەيبٸر اۋداندار نەمەسە كٶشەلەرمەن شەكتەلمەيدٸ. سوندىقتان LEZ اۋماعىن تىم تار شەڭبەردە بەلگٸلەۋ ونىڭ ەكولوگييالىق تيٸمدٸلٸگٸن تٶمەندەتۋٸ مٷمكٸن.
سونىمەن قاتار ەرلان بۇزىرباەۆتىڭ ايتۋىنشا, ايماقتىڭ شەكاراسىن بەلگٸلەۋ تۋرالى ەكٸمدٸك قاۋلىسىن پيلوتتىق جوبا وڭ نەتيجە كٶرسەتٸپ, جٷيەنٸڭ بارلىق ەلەمەنتٸ تولىققاندى جۇمىس ٸستەۋگە دايىن بولعاننان كەيٸن قابىلداعان جٶن.
ونىڭ پٸكٸرٸنشە, بۇل ٷشٸن بٸرنەشە شارت ورىندالۋى قاجەت. اتاپ ايتقاندا, شىعارىندىلاردىڭ نەگٸزدەلگەن نورماتيۆتەرٸ بەلگٸلەنٸپ, تەحنيكالىق تەكسەرۋدٸڭ بٸرىڭعاي ەرٸ قايتالانعاندا بٸردەي نەتيجە بەرەتٸن ەدٸستەمەسٸ بەكٸتٸلۋگە تيٸس. سونداي-اق, وپەراتورلار سانى جەتكٸلٸكتٸ بولىپ, بەسەكەلٸ نارىق قالىپتاسۋى, قىزمەت قۇنى ەكونوميكالىق تۇرعىدان نەگٸزدەلۋٸ, اۆتوكٶلٸكتەردٸ تەكسەرۋ تەرتٸبٸ مەن اقپاراتتىق جٷيەلەر تولىق دايىن بولۋى كەرەك. ەكٸمشٸلەندٸرۋ تەتٸگٸ دە بارىنشا اۆتوماتتاندىرىلۋى قاجەت.
