Qarjylyq monitoring agenttigi (QMA) jyl basynan beri el azamattaryn 20 mlrd teńgeden asa shyǵynǵa ushyratqan qarjy piramidalaryn qurý jáne basqarý faktileri boiynsha 68 qylmystyq isti tergegen, dep jazady Dalanews.kz.
Búgingi tańda qarjy piramidalary keltirgen 20 mlrd teńge zalaldyń 13 mlrd teńgeden astamy óteldi.
Alaiaqtyq jobalardyń ómirlik tsiklin jáne olarǵa tartylǵan salymshylar sanyn qysqartýǵa baǵyttalǵan "Qarjy piramidalaryna qarsy is-qimyl" arnaiy jobasy engizildi.
"Aǵymdaǵy jyldyń basynan beri internet keńistiginde 47 qarjy piramidasy anyqtaldy. Olarǵa qatysty áleýmettik jelilerde 300-ge jýyq chat jabylyp, shamamen 2 millionǵa jýyq qatysýshy – áleýetti salymshylar bolǵan. Osy jyly áleýmettik jelilerdi taldaý nátijesinde qarjy piramidasy belgileri bar saittarǵa 11,7 myńnan astam silteme buǵattaldy", dep naqtylaidy QMA.
