Qazaqstan eksporttaýshylary alda shotyna shetel valiýtasy kelip túskenin dáleldeýge májbúr bolady. QR Qarjy ministrligi QQS-ty qaitarýǵa úmitti eksporttaýshylar úshin talapty qatańdatpaq, dep habarlaidy Dalanews.kz.
Endi buryn ótkizip kelgen qujattar paketi jetkiliksiz bolady, odan bólek sheteldik mámilelerden túsken kiristiń Qazaqstanǵa jetkenin rastaý qajet bolady.
"Ashyq NQA" portalynda jariialanǵan jobaǵa sáikes, valiýtalyq túsimniń shotqa kelip túskeni týraly qorytyndynyń mindetti formasy engiziledi. Onsyz birden ustalatyn salyqty keri qaitarý múmkin emes.
Qarajattyń túsý faktisin kompaniialar emes, arnaiy ýákiletti uiymdar rastaýǵa tiis:
- Ulttyq Banktiń aýmaqtyq bólimsheleri,
- ekinshi deńgeidegi bankter,
- Qazaqstannyń Damý Banki (QDB),
- tipti "Qazposhta" da.
Qarjy ministrligi bul aradaǵy maqsat biznestiń jaǵdaiyn qiyndatý emes, belgili bir tártipti keltirý ekenin aitady. Sońǵy kezderi qaǵazda bári taza, biraq elge aqsha aýdarylmaityn jaǵdailar jiilep ketken eken. Endi bul máselege osylaiynan jol bermeý kózdelýde.
Joba qoǵamdyq talqyǵa 22 tamyzǵa deiin usynyldy.
Buǵan deiin Qazaqstanda salyq organdary onlain-platformalar arqyly jumys isteitin ózin-ózi jumyspen qamtýshylardyń tabysyn jiti baqylai bastaitynyn jazǵanbyz.
