قازاقستان ەكسپورتتاۋشىلارى الدا شوتىنا شەتەل ۆاليۋتاسى كەلىپ تۇسكەنىن دالەلدەۋگە ءماجبۇر بولادى. ق ر قارجى مينيسترلىگى ققس-تى قايتارۋعا ءۇمىتتى ەكسپورتتاۋشىلار ءۇشىن تالاپتى قاتاڭداتپاق، دەپ حابارلايدى Dalanews.kz.
ەندى بۇرىن وتكىزىپ كەلگەن قۇجاتتار پاكەتى جەتكىلىكسىز بولادى، ودان بولەك شەتەلدىك مامىلەلەردەن تۇسكەن كىرىستىڭ قازاقستانعا جەتكەنىن راستاۋ قاجەت بولادى.
"اشىق نقا" پورتالىندا جاريالانعان جوباعا سايكەس، ۆاليۋتالىق ءتۇسىمنىڭ شوتقا كەلىپ تۇسكەنى تۋرالى قورىتىندىنىڭ مىندەتتى فورماسى ەنگىزىلەدى. ونسىز بىردەن ۇستالاتىن سالىقتى كەرى قايتارۋ مۇمكىن ەمەس.
قاراجاتتىڭ ءتۇسۋ فاكتىسىن كومپانيالار ەمەس، ارنايى ۋاكىلەتتى ۇيىمدار راستاۋعا ءتيىس:
- ۇلتتىق بانكتىڭ اۋماقتىق بولىمشەلەرى،
- ەكىنشى دەڭگەيدەگى بانكتەر،
- قازاقستاننىڭ دامۋ بانكى (قدب)،
- ءتىپتى "قازپوشتا" دا.
قارجى مينيسترلىگى بۇل اراداعى ماقسات بيزنەستىڭ جاعدايىن قيىنداتۋ ەمەس، بەلگىلى ءبىر ءتارتىپتى كەلتىرۋ ەكەنىن ايتادى. سوڭعى كەزدەرى قاعازدا ءبارى تازا، ءبىراق ەلگە اقشا اۋدارىلمايتىن جاعدايلار جيىلەپ كەتكەن ەكەن. ەندى بۇل ماسەلەگە وسىلايىنان جول بەرمەۋ كوزدەلۋدە.
جوبا قوعامدىق تالقىعا 22 تامىزعا دەيىن ۇسىنىلدى.
بۇعان دەيىن قازاقستاندا سالىق ورگاندارى ونلاين-پلاتفورمالار ارقىلى جۇمىس ىستەيتىن ءوزىن-وزى جۇمىسپەن قامتۋشىلاردىڭ تابىسىن ءجىتى باقىلاي باستايتىنىن جازعانبىز.
