2025 jylǵy 24 maýsymda Qazaqstan Respýblikasy halyqaralyq kapital naryǵyna 2,5 mlrd AQSh dollaryndaǵy egemendi eýroobligatsiialardy ornalastyrdy,dep habarlaidy Dalanews.kz.
QR Qarjy ministrliginiń málimetinshe, 2,5 mlrd AQSh dollarynyń egemendi eýroobligatsiialary ishinde mynandai transhtar bar:
- 7 jyl merzimge 1,35 mlrd AQSh dollary somasyndaǵy transh, kýpondyq mólsherlemesi – 5%;
- 12 jyl merzimge 1,15 mlrd AQSh dollary somasyndaǵy transh, kýpondyq mólsherlemesi – 5,5%.
"Usynystyń aldynda QR Qarjy ministrligi Londonda roýdshoý ótkizip, oǵan shamamen 180 iri investor qatysty. Eýroobligatsiialarǵa degen suranys usynystan eki ese asyp tústi, bul Eýropa, AQSh, Aziia jáne Taiaý Shyǵys elderinen kelgen ártaraptandyrylǵan ári sapaly investorlardyń joǵary qyzyǵýshylyǵyn kórsetti. Munai baǵasynyń kúrt tómendeýi, geosaiasi turaqsyzdyq jáne bazalyq mólsherlemelerdiń qubylmalylyǵy siiaqty kúrdeli naryqtyq jaǵdailarǵa qaramastan, Qarjy ministrligi óte básekege qabiletti tabystylyqpen ornalastyrýǵa qol jetkizdi. Alynǵan kiristilik deńgeii nesielik reitingi joǵary (A/AA) Polsha, Saýd Arabiiasy jáne Chili siiaqty elderdiń kórsetkishterimen salystyrýǵa keledi jáne BBB reitingindegi Meksika, Vengriia men Perý siiaqty elderden aitarlyqtai tómen boldy. Atap aitqanda, Qazaqstan biylǵy jyly A/BBB reitingindegi elder arasynda eń tómengi mólsherlemelerdiń birimen obligatsiialardy ornalastyrý boiynsha rekord ornatty", delingen ministrlik habarlamasynda.
Mundai tiimdi tabystylyq deńgeilerine eldiń myqty makroekonomikalyq kórsetkishteri – turaqty ekonomikalyq ósim, tómen memlekettik qaryz jáne joǵary syrtqy rezervter arqasynda qol jetkizilgeni de naqtylanady.
"Eýroobligatsiialar London qor birjasynda, Astana halyqaralyq qarjy ortalyǵynyń birjasynda jáne Qazaqstan qor birjasynda listingke engiziledi. Ornalastyrý nátijesinde Qarjy ministrligi buryn shyǵarylǵan jáne buryn tartylǵan eýroobligatsiialardy tolyq kólemde qaita qarjylandyrdy", dep naqtylaidy vedomstvo.
