Qazaq Air aksıalaryn satý boıynsha birneshe ret ótkizilgen konkýrs sharttaryna sáıkes keletin ótinimder bolmaýyna baılanysty jaramsyz dep tanyldy, dep habarlaıdy Dalanews.kz
Resmı derekke qaraǵanda «Samuryq-Qazyna» qory memlekettik áýe tasymaldaýshysynyń 49-dan 100%-ǵa deıingi aksıalaryn úshinshi ret satýǵa áreket jasap kórdi.
Kompanıa alǵash ret 2023 jyly áýe tasymaldaýshysyn 10,2 mlrd teńge bastapqy baǵasymen básekege shyǵarǵan. Sondaı-aq satyp alýshy Qazaq Air-diń «Samuryq-Qazyna» qory aldyndaǵy 38,4 mıllıard teńge qaryzyn óteýdi óz moınyna alýy tıis edi. Dál osy shart ekinshi saýda da saqtaldy. Alaıda, ekeýi de sátsiz aıaqtaldy.
"2024 jylǵy 9 qańtarda jarıalanǵan Qazaq Air AQ aksıalarynyń 49-dan 100%-ǵa deıingi bóligin satý boıynsha konkýrs jaramsyz dep tanyldy", - dep jazdy úshinshi konkýrstyń nátıjesin «Samuryq-Qazyna» qory.
Al byltyrǵy qarashada Qazaqstannyń kólik mınıstri Marat Qarabaev Qazaq Air men Aqtóbe áýejaıyn vetnamdyq SOVICO holdıńi satyp alýy múmkin dep málimdegen bolatyn. Demek, sońǵy derektegi málimetter Úkimettiń bul josparynyń da oryndala qoımaǵanyn kórsetedi.
