QR Energetika ministrligi Eni jáne Shell-men birlesip Qarashyǵanaqta GÓZ salý jóninde qolǵa alynǵan jobany toqtata turatynyn málimdedi, dep habarlaidy Dalanews.kz.
"QR Energetika ministrligi Qarashyǵanaq ken ornynda gaz óńdeý zaýytyn salý jobasyn qoldanystaǵy Ónimdi bólisý týraly kelisim (ÓBK) aiasynda jáne joba aktsionerleriniń qatysýymen iske asyrý qaita qaralatynyn málimdeidi", delingen ministrlik habarlamasynda.
Sondai-aq quzyrly vedomstvo qazirgi tańda ministrlik ulttyq kompaniialardy tartý arqyly jobany atalǵan kelisimnen tys júzege asyrýdyń balamaly nusqalaryn qarastyryp jatqanyn da naqtylady.
"Ulttyq kompaniialardy tartý" delingenine qaraǵanda, bul arada, bálkim, "Qazmunaigaz" ulttyq kompaniiasy týraly sóz bolyp otyrǵan bolýy múmkin.
Munai servistik kompaniialar odaǵynyń basshysy Nurlan Jumaǵulovtyń aitýynsha, kelissózderdiń aiaqtalýyna Qazaqstan Respýblikasy ekonomikalyq turǵydan qolaisyz jáne ulttyq múddelerge sai emes dep tanyǵan aktsionerler usynǵan sharttar sebep kórinedi. Atap aitqanda, bul arada aktsionerlerdiń paidasyna shamamen 1 mlrd dollar mólsherinde qosymsha tólemder talap etilgen.
Bul rette PetroCouncil.kz Telegram-arnasy bylai dep jazady:
"Zaýyt salýǵa arnalǵan EPC-kelisimsharty GÓZ-di 3,5 mlrd dollarǵa salýǵa kelisken Hyundai/Sicim konsortsiýmyna qatysty óz kúshinde qalýy múmkin dep kútiledi. Al QMG qurylys úshin qajetti qarjyny Ulttyq qordan tartýy yqtimal".
Hyundai Engineering/Sicim konsortsiýmymen sabaqtastyqty jáne qol jetkizilgen ýaǵdalastyqtardy saqtaý týraly aqparatty Energetika ministrliginiń derekterine silteme jasai otyryp, Nurlan Jumaǵulov rastaidy.
"Jobany qarjylandyrý máselesi sheshiletin bolady. Ulttyq kompaniianyń menshikti qarajatyn paidalaný jáne zaem kapitalyn tartýmen qatar, barlyq qajetti tetikter qarastyrylady. Joba eń joǵary memlekettik basymdyqqa ie jáne ony iske asyrý úshin resýrstar tapshylyǵy bolmaidy", — dep Nurlan Jumaǵulov Energetika ministrliginiń ustanymyn keltiredi.
