Qarasha aiynda salymshylar nemese depozitter sany boiynsha elimizdiń qai bankteri bárinen ozyq boldy? Osy sipatta ranking.kz sarapshylary esep júrgizip, reiting túzdi. Oǵan sáikes, Qazaqstan bankterindegi salymdar qarasha aiyna qarai rekordtyq 39,3 trln teńgege jetip, bir jylda 18,7%-ǵa ulǵaidy. Onyń ishinde halyqtyń salymdary 21%-ǵa, 22,7 trln teńgege deiin, al biznes salymdary 15,7%-ǵa, 16,6 trln teńgege deiin ósti, dep jazady Dalanews.kz.
Jyldyq dinamikasy boiynsha depozit ustaýshy bankterdiń ishinde segiz qarjy institýty úzdik kórsetkish kórsetti. Jalpy bul sektorda 16 kommertsiialyq bank bar.
"Elimizdegi úzdik bankter arasynda jyldyq ósim boiynsha Bereke Bank kósh bastap tur: birden 55%-ǵa, 1,4 trln teńgege deiin ósim kórsetip otyr. Onyń ishinde qarjy institýtyndaǵy jeke tulǵalardyń salymdary bir jylda 61,7%-ǵa, al zańdy tulǵalardyń salymdary 50,4%-ǵa artty. Aita keterligi, iri EDB arasynda bank eki sanatta da jyldyq ósim boiynsha alǵa shyqty", - deidi sarapshylar.
29 qarashada retteýshi tarapynan bazalyq mólsherleme ulǵaitylǵany belgili. Mine, sodan keiin, Bereke Bank jedel túrde jeltoqsan aiynan bastap óziniń "Kopilka" depoziti boiynsha SJTM-ny 16,2%-ǵa deiin kóterdi. Bul — kún saiyn kapitaldandyrylatyn, qarajatty kez kelgen ýaqytta toltyrýǵa jáne sheship alýǵa bolatyn ikemdi depozit. Sheship alý jáne tolyqtyrý turǵysynan belgili bir shekteýleri bar jinaq salymdary boiynsha banktegi mólsherlemeler odan da joǵary — 18,2%-ǵa teń. Bul naryqtaǵy eń joǵary mólsherlemeler bolyp tabylady.
Iri EDB arasynda salymdardyń jyldyq ósimi boiynsha ekinshi orynǵa ForteBank ornalasty: 31,3%-ǵa, 2,9 trln teńgege deiin ósim kórsetti. Bir jyl ishinde banktegi jeke tulǵalardyń salymdary 19,9%-ǵa, al zańdy tulǵalardyń salymdary 38,1%-ǵa kóbeidi.
Kóshbasshylar úshtigin BankTsentrKredit túiindedi: salym 29,6%-ǵa, 4,7 trln teńgege deiin ósti. Bir jylda banktegi halyqtyń depoziti 28,1%-ǵa, biznes salymdary 31,3%-ǵa artty.
Sondai-aq, Kaspi Bank (bir jylda 25%-ǵa artty), Bank RBK (20,7%-ǵa artty), Halyk Bank (17,8%-ǵa artty), Jusan Bank (7,6%-ǵa artty), Otbasy banki (2,5%-ǵa artty) siiaqty jetekshi qarjy institýttary da oń kórsetkish kórsetti.
Atap aitarlyǵy, QR EDB salymdarynyń jiyntyq portfeli boiynsha halyq depoziti 57,7%-dy, al biznes salymdary 42,3%-dy qurap otyr.
Salystyryp qarasaq, bir jyl buryn bul paiyzdyq araqatynas 56,6%-ǵa jáne 43,4%-ǵa teń bolsa, al 2018–2022 jyldary tepe-teń deńgeide boldy.
2018 jylǵa deiin halyqtyń salymdary QR EDB-daǵy depozitterdiń jartysynan azyn qurady.
Buǵan deiin qarasha aiynda otandyq bankter arasyndaǵy iýan boiynsha saýda kólemi 133 esege ósip, rekordtyq kórsetkish ornaǵanyn jazǵan bolatynbyz.
