قاراشا ايىندا سالىمشىلار نەمەسە دەپوزيتتەر سانى بويىنشا ەلىمىزدىڭ قاي بانكتەرى بارىنەن وزىق بولدى؟ وسى سيپاتتا ranking.kz ساراپشىلارى ەسەپ جۇرگىزىپ، رەيتينگ ءتۇزدى. وعان سايكەس، قازاقستان بانكتەرىندەگى سالىمدار قاراشا ايىنا قاراي رەكوردتىق 39،3 ترلن تەڭگەگە جەتىپ، ءبىر جىلدا 18،7%-عا ۇلعايدى. ونىڭ ىشىندە حالىقتىڭ سالىمدارى 21%-عا، 22،7 ترلن تەڭگەگە دەيىن، ال بيزنەس سالىمدارى 15،7%-عا، 16،6 ترلن تەڭگەگە دەيىن ءوستى، دەپ جازادى Dalanews.kz.

جىلدىق ديناميكاسى بويىنشا دەپوزيت ۇستاۋشى بانكتەردىڭ ىشىندە سەگىز قارجى ينستيتۋتى ۇزدىك كورسەتكىش كورسەتتى. جالپى بۇل سەكتوردا 16 كوممەرسيالىق بانك بار.

"ەلىمىزدەگى ۇزدىك بانكتەر اراسىندا جىلدىق ءوسىم بويىنشا Bereke Bank كوش باستاپ تۇر: بىردەن 55%-عا، 1،4 ترلن تەڭگەگە دەيىن ءوسىم كورسەتىپ وتىر. ونىڭ ىشىندە قارجى ينستيتۋتىنداعى جەكە تۇلعالاردىڭ سالىمدارى ءبىر جىلدا 61،7%-عا، ال زاڭدى تۇلعالاردىڭ سالىمدارى 50،4%-عا ارتتى. ايتا كەتەرلىگى، ءىرى ەدب اراسىندا بانك ەكى ساناتتا دا جىلدىق ءوسىم بويىنشا العا شىقتى"، - دەيدى ساراپشىلار.

29 قاراشادا رەتتەۋشى تاراپىنان بازالىق مولشەرلەمە ۇلعايتىلعانى بەلگىلى. مىنە، سودان كەيىن، Bereke Bank جەدەل تۇردە جەلتوقسان ايىنان باستاپ ءوزىنىڭ "كوپيلكا" دەپوزيتى بويىنشا سجتم-نى 16،2%-عا دەيىن كوتەردى. بۇل — كۇن سايىن كاپيتالداندىرىلاتىن، قاراجاتتى كەز كەلگەن ۋاقىتتا تولتىرۋعا جانە شەشىپ الۋعا بولاتىن يكەمدى دەپوزيت. شەشىپ الۋ جانە تولىقتىرۋ تۇرعىسىنان بەلگىلى ءبىر شەكتەۋلەرى بار جيناق سالىمدارى بويىنشا بانكتەگى مولشەرلەمەلەر ودان دا جوعارى — 18،2%-عا تەڭ. بۇل نارىقتاعى ەڭ جوعارى مولشەرلەمەلەر بولىپ تابىلادى.

ءىرى ەدب اراسىندا سالىمداردىڭ جىلدىق ءوسىمى بويىنشا ەكىنشى ورىنعا ForteBank ورنالاستى: 31،3%-عا، 2،9 ترلن تەڭگەگە دەيىن ءوسىم كورسەتتى. ءبىر جىل ىشىندە بانكتەگى جەكە تۇلعالاردىڭ سالىمدارى 19،9%-عا، ال زاڭدى تۇلعالاردىڭ سالىمدارى 38،1%-عا كوبەيدى.

كوشباسشىلار ۇشتىگىن بانكسەنتركرەديت تۇيىندەدى: سالىم 29،6%-عا، 4،7 ترلن تەڭگەگە دەيىن ءوستى. ءبىر جىلدا بانكتەگى حالىقتىڭ دەپوزيتى 28،1%-عا، بيزنەس سالىمدارى 31،3%-عا ارتتى.

سونداي-اق، Kaspi Bank (ءبىر جىلدا 25%-عا ارتتى)، Bank RBK (20،7%-عا ارتتى)، Halyk Bank (17،8%-عا ارتتى)، Jusan Bank (7،6%-عا ارتتى)، وتباسى بانكى (2،5%-عا ارتتى) سياقتى جەتەكشى قارجى ينستيتۋتتارى دا وڭ كورسەتكىش كورسەتتى.

اتاپ ايتارلىعى، ق ر ەدب سالىمدارىنىڭ جيىنتىق پورتفەلى بويىنشا حالىق دەپوزيتى 57،7%-دى، ال بيزنەس سالىمدارى 42،3%-دى قۇراپ وتىر.

سالىستىرىپ قاراساق، ءبىر جىل بۇرىن بۇل پايىزدىق اراقاتىناس 56،6%-عا جانە 43،4%-عا تەڭ بولسا، ال 2018–2022 جىلدارى تەپە-تەڭ دەڭگەيدە بولدى.

2018 جىلعا دەيىن حالىقتىڭ سالىمدارى ق ر ەدب-داعى دەپوزيتتەردىڭ جارتىسىنان ازىن قۇرادى.

بۇعان دەيىن قاراشا ايىندا وتاندىق بانكتەر اراسىنداعى يۋان بويىنشا ساۋدا كولەمى 133 ەسەگە ءوسىپ، رەكوردتىق كورسەتكىش ورناعانىن جازعان بولاتىنبىز.