Onyń ishinde 23 mektep, 1 sport zalyn japsarlas salý, 3 balabaqshany qaıta jańartý, 4 kolejge arnalǵan jataqhana jáne 1 óner mektebi bar. 15 mekteptiń qurylysy 2021 jylǵa josparlanǵan.
Igi istiń arqasynda oblysta úsh aýysymdy mektepterdiń sany azaımaq. «Oblysta 17 mekteptiń qurylysy júrip jatyr. Osy arqyly úsh aýysymdy mektepterdiń qatary azaıady dep otyrmyz. Aıta ketý kerek, jalpy sıpattaǵy transfertter esebinen 11 mektep, "Jumyspen qamtýdyń jol kartasy-2020" baǵdarlamasy boıynsha 6 mekteptiń qurylysy júrgizilýde»,- deıdi óńirdiń bas ustazy Maıgúl Omarova.
Budan basqa, Jumyspen qamtýdyń jol kartasy boıynsha 1500 oryndyq taǵy 6 mektep jáne 29,9 mlrd.teńge somasyna 1200 oryndyq 1 mektep salý kózdelgen.
Sondaı-aq Qarasaı aýdany Áıteı aýylyndaǵy B.Qosynov atyndaǵy orta mektep apatty jaǵdaıda bolýyna baılanysty 2018 jyly aýdan ákimi Jandarbek Dalabaevtyń qoldaýymen 3,5 gektar jer telimi bólinip, memlekettik-jekemenshik seriktestik aıasynda 1200 oryndyqqa arnalǵan bilim ordasy boı kóterdi. Atalmysh mekteptiń qurylysy tolyq aıaqtalyp, áıteılik bilimgerler aldaǵy oqý jylynda jańa mektepte bilimderin jalǵastyratyn bolady.
Bilim berý isindegi jaǵymdy jańalyqtardyń legi munymen tolastar emes. 1 qyrkúıekte Jambyl, İle, Qarasaı, Kóksý aýdandary jáne Shamalǵan stansıasynda 2520 oryndyq 5 mektep qoldanysqa beriledi.
2020 jyly 23,9 mlrd. teńge somasyna 55 bilim berý oshaǵy kúrdeli jóndeýden ótýde.
Búgingi kúni 55 Sharttyń 55-i jasaldy, barlyq nysandar boıynsha jumys óndirisiniń kestesine sáıkes jóndeý jumystary júrgizilýde.
Naqtylap óter bolsaq, jergilikti búdjet esebinen 8 nysanǵa kúrdeli jóndeý júrgizilýde. Onyń ishinde 6 mektep, 2 balabaqsha bar. Bul maqsatta 1,9 mlrd.teńge qarjy qarastyrylǵan.
Al, "Aýyl el besigi" baǵdarlamasy aıasynda 10 nysanǵa 4,5 mlrd. teńgege kúrdeli jóndeý jumystary júrgizilýde.
"Jumyspen qamtýdyń jol kartasy" baǵdarlamasy sheńberinde 37 nysanǵa kúrdeli jóndeý júrgizilýde, oǵan 28 mektep, 5 mektep, 2 kolej, 2 balabaqsha aýmaqtaryn abattandyrý jatady.
Eske salamyz,42 mekteptiń barlyq jóndeý jumystary aǵymdaǵy jyldyń 20 qyrkúıegine deıin aıaqtalady.
Aǵymdaǵy jóndeý jumystaryna toqtalatyn bolsaq, "Jumyspen qamtýdyń jol kartasy" baǵdarlamasy aıasynda 1,2 mlrd.teńge somasyna 347 mekteptiń dárethanalaryna aǵymdaǵy jóndeýden ótti. Óńirdegi bilim berý oshaqtary osylaısha bilim kúnine daıyndyǵyn arttyryp jatyr. Bul rette oqýshylardyń jaǵdaıy nazardan tys qalǵan joq.
Oblystaǵy shalǵaı eldi mekenderden oqýshylardy tasymaldaý uıymdastyrylǵan.
Osy maqsatta jergilikti búdjetten 71 avtobýs satyp alýǵa 940,6 mln. teńge bólindi. Búgingi kúni 61 avtobýs satyp alyndy.
Qalǵan 10 avtobýs qyrkúıek aıynyń sońyna deıin satyp alynady.
Anar SABYROVA
