ونىڭ ىشىندە 23 مەكتەپ، 1 سپورت زالىن جاپسارلاس سالۋ، 3 بالاباقشانى قايتا جاڭارتۋ، 4 كوللەدجگە ارنالعان جاتاقحانا جانە 1 ونەر مەكتەبى بار. 15 مەكتەپتىڭ قۇرىلىسى 2021 جىلعا جوسپارلانعان.
يگى ءىستىڭ ارقاسىندا وبلىستا ءۇش اۋىسىمدى مەكتەپتەردىڭ سانى ازايماق. «وبلىستا 17 مەكتەپتىڭ قۇرىلىسى ءجۇرىپ جاتىر. وسى ارقىلى ءۇش اۋىسىمدى مەكتەپتەردىڭ قاتارى ازايادى دەپ وتىرمىز. ايتا كەتۋ كەرەك، جالپى سيپاتتاعى ترانسفەرتتەر ەسەبىنەن 11 مەكتەپ، "جۇمىسپەن قامتۋدىڭ جول كارتاسى-2020" باعدارلاماسى بويىنشا 6 مەكتەپتىڭ قۇرىلىسى جۇرگىزىلۋدە»،- دەيدى ءوڭىردىڭ باس ۇستازى مايگۇل وماروۆا.
بۇدان باسقا، جۇمىسپەن قامتۋدىڭ جول كارتاسى بويىنشا 1500 ورىندىق تاعى 6 مەكتەپ جانە 29،9 ملرد.تەڭگە سوماسىنا 1200 ورىندىق 1 مەكتەپ سالۋ كوزدەلگەن.
سونداي-اق قاراساي اۋدانى ايتەي اۋىلىنداعى ب.قوسىنوۆ اتىنداعى ورتا مەكتەپ اپاتتى جاعدايدا بولۋىنا بايلانىستى 2018 جىلى اۋدان اكىمى جانداربەك دالابايەۆتىڭ قولداۋىمەن 3،5 گەكتار جەر تەلىمى ءبولىنىپ، مەملەكەتتىك-جەكەمەنشىك سەرىكتەستىك اياسىندا 1200 ورىندىققا ارنالعان ءبىلىم ورداسى بوي كوتەردى. اتالمىش مەكتەپتىڭ قۇرىلىسى تولىق اياقتالىپ، ايتەيلىك بىلىمگەرلەر الداعى وقۋ جىلىندا جاڭا مەكتەپتە بىلىمدەرىن جالعاستىراتىن بولادى.
ءبىلىم بەرۋ ىسىندەگى جاعىمدى جاڭالىقتاردىڭ لەگى مۇنىمەن تولاستار ەمەس. 1 قىركۇيەكتە جامبىل، ىلە، قاراساي، كوكسۋ اۋداندارى جانە شامالعان ستانسياسىندا 2520 ورىندىق 5 مەكتەپ قولدانىسقا بەرىلەدى.
2020 جىلى 23،9 ملرد. تەڭگە سوماسىنا 55 ءبىلىم بەرۋ وشاعى كۇردەلى جوندەۋدەن وتۋدە.
بۇگىنگى كۇنى 55 شارتتىڭ 55ء-ى جاسالدى، بارلىق نىساندار بويىنشا جۇمىس ءوندىرىسىنىڭ كەستەسىنە سايكەس جوندەۋ جۇمىستارى جۇرگىزىلۋدە.
ناقتىلاپ وتەر بولساق، جەرگىلىكتى بيۋدجەت ەسەبىنەن 8 نىسانعا كۇردەلى جوندەۋ جۇرگىزىلۋدە. ونىڭ ىشىندە 6 مەكتەپ، 2 بالاباقشا بار. بۇل ماقساتتا 1،9 ملرد.تەڭگە قارجى قاراستىرىلعان.
ال، "اۋىل ەل بەسىگى" باعدارلاماسى اياسىندا 10 نىسانعا 4،5 ملرد. تەڭگەگە كۇردەلى جوندەۋ جۇمىستارى جۇرگىزىلۋدە.
"جۇمىسپەن قامتۋدىڭ جول كارتاسى" باعدارلاماسى شەڭبەرىندە 37 نىسانعا كۇردەلى جوندەۋ جۇرگىزىلۋدە، وعان 28 مەكتەپ، 5 مەكتەپ، 2 كوللەدج، 2 بالاباقشا اۋماقتارىن اباتتاندىرۋ جاتادى.
ەسكە سالامىز،42 مەكتەپتىڭ بارلىق جوندەۋ جۇمىستارى اعىمداعى جىلدىڭ 20 قىركۇيەگىنە دەيىن اياقتالادى.
اعىمداعى جوندەۋ جۇمىستارىنا توقتالاتىن بولساق، "جۇمىسپەن قامتۋدىڭ جول كارتاسى" باعدارلاماسى اياسىندا 1،2 ملرد.تەڭگە سوماسىنا 347 مەكتەپتىڭ دارەتحانالارىنا اعىمداعى جوندەۋدەن ءوتتى. وڭىردەگى ءبىلىم بەرۋ وشاقتارى وسىلايشا ءبىلىم كۇنىنە دايىندىعىن ارتتىرىپ جاتىر. بۇل رەتتە وقۋشىلاردىڭ جاعدايى نازاردان تىس قالعان جوق.
وبلىستاعى شالعاي ەلدى مەكەندەردەن وقۋشىلاردى تاسىمالداۋ ۇيىمداستىرىلعان.
وسى ماقساتتا جەرگىلىكتى بيۋدجەتتەن 71 اۆتوبۋس ساتىپ الۋعا 940،6 ملن. تەڭگە ءبولىندى. بۇگىنگى كۇنى 61 اۆتوبۋس ساتىپ الىندى.
قالعان 10 اۆتوبۋس قىركۇيەك ايىنىڭ سوڭىنا دەيىن ساتىپ الىنادى.
انار سابىروۆا
