Jiyn barysynda prezidenttikke úmitker óziniń sailaýaldy baǵdarlamasyn tanystyryp, áleýmettik sala, áieldiń qoǵamdaǵy róli men kópbalaly áielderdiń jaǵdaiy týraly sóz qozǵaldy.
«Bir qolymen besik terbetip, bir qolymen álemdi terbegen kópbalaly analar qoǵamǵa, jastarǵa úlgi bolý kerek. Kópbalaly ana bolý – naǵyz erlik. Búgingi kezdesýge kelgen aqtóbelik áielder qaýymy osynyń jarqyn úlgisi bola alady. Olardyń belsendilik tanytyp júrgeni qýantady. El igiligi úshin áielderdiń kóshbasshylyq qasietterin durys baǵytta damytý, ejelden qalyptasqan ulttyq qundylyqtardy saqtaý men otbasyndaǵy bala tárbiesi áielderdiń basty nazarynda ekeni belgili boldy. Ózim kópbalaly ana retinde áiel-ana, qazaq qyzy ult ainasyna ainalý kerek dep sanaimyn», - dep atap ótti Qaraqat Ábden.
Jinalǵan áielder qaýymy bala tárbiesindegi til máselesiniń ózektiligin de tilge tiek etti.
«Áiel adam otbasynda da, iskerlik baǵytta da jetistikke jetý úshin jan-jaqty bolyp, izdený kerek, ózin damytý kerek ekendigin túsindim. Qaraqat Ábden búgin bizge úlken motivatsiia berdi», - dep bólisti Aqtóbe qalasynyń Isker áielder keńesiniń jastar qanaty tóraiymy Maira Saýyrbaeva.
Eske salsaq, Qaraqat Ábden buǵan deiin Aqmola oblysy, Qaraǵandy, Astana, Ekibastuz, Semei, Pavlodar, Talǵar, Esik qalalarynyń turǵyndarymen júzdesken edi. Aldaǵy ýaqytta onyń Batys Qazaqstan, Qyzylorda, Ulytaý oblystarynyń sailaýshylarymen kezdesý ótkizetini málim.
