جيىن بارىسىندا پرەزيدەنتتىككە ۇمىتكەر ءوزىنىڭ سايلاۋالدى باعدارلاماسىن تانىستىرىپ، الەۋمەتتىك سالا، ايەلدىڭ قوعامداعى ءرولى مەن كوپبالالى ايەلدەردىڭ جاعدايى تۋرالى ءسوز قوزعالدى.
«ءبىر قولىمەن بەسىك تەربەتىپ، ءبىر قولىمەن الەمدى تەربەگەن كوپبالالى انالار قوعامعا، جاستارعا ۇلگى بولۋ كەرەك. كوپبالالى انا بولۋ – ناعىز ەرلىك. بۇگىنگى كەزدەسۋگە كەلگەن اقتوبەلىك ايەلدەر قاۋىمى وسىنىڭ جارقىن ۇلگىسى بولا الادى. ولاردىڭ بەلسەندىلىك تانىتىپ جۇرگەنى قۋانتادى. ەل يگىلىگى ءۇشىن ايەلدەردىڭ كوشباسشىلىق قاسيەتتەرىن دۇرىس باعىتتا دامىتۋ، ەجەلدەن قالىپتاسقان ۇلتتىق قۇندىلىقتاردى ساقتاۋ مەن وتباسىنداعى بالا تاربيەسى ايەلدەردىڭ باستى نازارىندا ەكەنى بەلگىلى بولدى. ءوزىم كوپبالالى انا رەتىندە ايەل-انا، قازاق قىزى ۇلت ايناسىنا اينالۋ كەرەك دەپ سانايمىن»، - دەپ اتاپ ءوتتى قاراقات ابدەن.
جينالعان ايەلدەر قاۋىمى بالا تاربيەسىندەگى ءتىل ماسەلەسىنىڭ وزەكتىلىگىن دە تىلگە تيەك ەتتى.
«ايەل ادام وتباسىندا دا، ىسكەرلىك باعىتتا دا جەتىستىككە جەتۋ ءۇشىن جان-جاقتى بولىپ، ىزدەنۋ كەرەك، ءوزىن دامىتۋ كەرەك ەكەندىگىن ءتۇسىندىم. قاراقات ابدەن بۇگىن بىزگە ۇلكەن موتيۆاسيا بەردى»، - دەپ ءبولىستى اقتوبە قالاسىنىڭ ىسكەر ايەلدەر كەڭەسىنىڭ جاستار قاناتى ءتورايىمى مايرا ساۋىربايەۆا.
ەسكە سالساق، قاراقات ابدەن بۇعان دەيىن اقمولا وبلىسى، قاراعاندى، استانا، ەكىباستۇز، سەمەي، پاۆلودار، تالعار، ەسىك قالالارىنىڭ تۇرعىندارىمەن جۇزدەسكەن ەدى. الداعى ۋاقىتتا ونىڭ باتىس قازاقستان، قىزىلوردا، ۇلىتاۋ وبلىستارىنىڭ سايلاۋشىلارىمەن كەزدەسۋ وتكىزەتىنى ءمالىم.
