Aimannyń aitýynsha, ol halyq arasynda, azamattarmen etene bailanys jumys istegendi jany qalaidy. Úlken-kishige qamqor jáne armanshyl jan. Jeke isim bolsa degen maqsaty boldy. Satýshy bolyp jumys istei júrip, jemis-jidekterden sebetter men gúl shoqtaryn ázirleý oiyna keldi.
2020 jyldyń qazan aiynda Aiman «Eńbek» baǵdarlamasy boiynsha 555 600 teńge grant aldy. Osy qarajatqa ol tońazytqysh jabdyqtaryn, sórelerdi satyp aldy. Úsharal qalasynyń tyǵyz ornalasqan aýdandarynyń birinen dúkenge arnalǵan oryndy jalǵa aldy.
– Qazirgi ýaqytta dúken ashyp, siz eshkimdi tań qaldyrmaisyz, biraq men úshin bul ómirdegi úlken jáne táýekelge toly qadam edi. Ary qarai óz betimizshe aiaqqa tura alatynymyzǵa zor úmit pen senim boldy. Qazir eki adamdy jumyspen qamtyp otyrmyn. Barlyq kókónister men jemisterdi senimdi jetkizýshilerden satyp alamyz. Zaman aǵymyna sai bolý úshin onlain jetkizý qyzmetin iske qostyq. Instagram paraqshasy jáne WhatsApp arqyly tapsyrys qabyldaýdy jolǵa qoidyq, –dep atap ótti ol.
Sonymen qatar, Aiman tapsyrys boiynsha avtorlyq sebetter men gúlshoqtaryn jasaidy. Mundai qyzmet Úsharal úshin jańa kásip túri bolǵan soń, qala turǵyndary tarapynan suranys joǵary.
Biyl kásipker óziniń avtorlyq sebetter men gúl shoqtaryn satý boiynsha jeke saýda núktesin ashyp, jańa dúken ashýdy josparlap otyr. Sondai-aq, jaqyn mańdaǵy Qazaqstan, Beskól, Janama, Eńbekshi, Jaipaq jáne Mai aýyldaryna da kókónister men jemister jetkizýdi uiymdastyrý oida bar.
