Probatsiia qyzmetiniń esebinde turǵan azamattardy qoǵamǵa qaita beiimdeýde jumysqa ornalastyrý, bilim alý jáne qoǵamnyń qoldaýy – eń basty sharttar, dep habarlaidy dalanews.kz.
Adamǵa ekinshi múmkindik berý jáne qaita quqyq buzýshylyq jasaý qaýpin azaitý joldary Qaraǵandy oblysynyń prokýratýrasy men ákimdigi uiymdastyrǵan «Jarqyn bolashaqqa bastar jol» forýmynda talqylandy.
Probatsiia qyzmetiniń esebinde turǵan azamattardy qoǵamǵa qaita beiimdeýde jumysqa ornalastyrý, bilim alý jáne qoǵamnyń qoldaýy – eń basty sharttar. Adamǵa ekinshi múmkindik berý jáne qaita quqyq buzýshylyq jasaý qaýpin azaitý joldary Qaraǵandy oblysynyń prokýratýrasy men ákimdigi uiymdastyrǵan «Jarqyn bolashaqqa bastar jol» forýmynda talqylandy.
Forým «Zań jáne Tártip» jalpyulttyq ideologiiasyn iske asyrý aiasynda ótti.
Memleket, biznes jáne qoǵamdyq uiymdar zań buzǵan azamattardyń qalypty ómirge qaita oralýyna qoldaý kórsetý úshin kúsh biriktirip otyr. Negizgi maqsat – olardy tek jumyspen qamtý ǵana emes, sonymen qatar mamandyq meńgerýge, áleýmettik bailanystaryn qalpyna keltirýge múmkindik jasaý. Forým qatysýshylarynyń pikirinshe, dál osyndai keshendi tásil qaita quqyq buzýshylyqtyń aldyn alýǵa yqpal etedi.
Qaraǵandy oblysynyń ákimi Ermaǵanbet Bólekpaev óńirde probatsiia qyzmetiniń esebinde turǵan azamattardy qoldaýǵa baǵyttalǵan keshendi sharalar búginde júieli túrde júzege asyrylyp jatqanyn atap ótti.
— Memleket basshysy Qasym-Jomart Toqaev qylmystyq-atqarý júiesiniń basty maqsaty tek jazalaý ǵana emes, adamnyń túzelýine kómektesip, ony qoǵamdaǵy tolyqqandy ómirge qaita beiimdeý ekenin erekshe atap ótti. Memleket jańa múmkindikterge jol asha alady, jumys berýshiler eńbek ornyn usyna alady. Alaida jańa ómirge qadam jasaýdy adamnyń ózi ǵana tańdaidy, — dedi óńir basshysy.
Qaraǵandy oblysynyń prokýrory Murat Tileýberdiev óńirde probatsiia qyzmetiniń esebinde turǵan azamattardy qaita áleýmettendirý baǵytyndaǵy júieli jumystar jalǵasyp jatqanyn atap ótti.
— Búginde oblystyń probatsiia qyzmetiniń esebinde myńnan astam azamat tur. Jergilikti atqarýshy organdardyń, jumyspen qamtý qyzmetteriniń jáne jumys berýshilerdiń birlesken jumysynyń nátijesinde júzdegen azamat turaqty jumysqa ornalastyryldy. Kásiptik oqytý jáne áleýmettik kómek kórsetý baǵdarlamalary júzege asyrylyp keledi. Áleýmettik súiemeldeýdi uiymdastyrýda memlekettik organdardyń jumysyn biriktirgen Socium tsifrlyq platformasy men FSM Social mobildi qosymshasynyń engizilýi mańyzdy qadam boldy. Bul júieler arqyly azamattarǵa jumysqa ornalasýǵa, qujattaryn qalpyna keltirýge, meditsinalyq kómek, bilim alý, áleýmettik tólemder rásimdeý jáne ózge de ómirlik mańyzdy máselelerdi sheshýge jan-jaqty qoldaý kórsetiledi. Eger búgingi forýmnan keiin adamdar óz ómirin ózgertýge bolatynyna sense, jumys berýshiler óz kásiporyndarynyń esigin aiqara ashsa, al memlekettik organdar der kezinde qajetti qoldaý kórsetse, kóptegen otbasy erteńgi kúnge degen senimin qaita nyǵaitady, — dedi Murat Tileýberdiev.
Jumyspen qamtý baǵytyndaǵy jumystar búginde naqty nátijesin berýde. Jyl basynan beri oblysta 600-den astam jumys berýshiniń qatysýymen 60 bos jumys oryndary jármeńkesi uiymdastyryldy. Sonymen qatar probatsiia qyzmetiniń esebinde turǵan azamattar úshin kvotalanǵan jumys oryndary da bólinýde.
Osyndai múmkindikti paidalanǵandardyń biri – qaraǵandylyq Oljas Ersain. Probatsiia qyzmetiniń esebine qoiylǵannan keiin oǵan «Qaraǵandy-Nan» kásipornyna resmi túrde jumysqa ornalasýǵa kómek kórsetilgen. Qazir ol munda jarty jylǵa jýyq ýaqyt eńbek etip keledi.
— Probatsiia qyzmetiniń esebine turǵan kezde meniń turaqty jumysym bolǵan joq. Mansap ortalyǵy arqyly jumysqa ornalasýyma kómektesti. Qazir turaqty jalaqy alyp júrmin ári osy jerde eńbek etýdi jalǵastyrǵym keledi. Adamǵa jumys tabýǵa qoldaý kórsetilse, onyń jańa ómir bastap, adal eńbekpen bolashaǵyn qurýǵa múmkindigi paida bolady, — deidi Oljas Ersain.
— Probatsiiadan keiin jumys tabýdyń óte qiyn ekenine ózim kóz jetkizdim. Maǵan jumysqa ornalasýǵa kómektesti, bul meniń ómirimdi ózgertti. Osyndai is-sharalar adamdarǵa aiaǵynan nyq turyp, qaitadan zań buzbaýǵa naqty múmkindik beredi, — deidi ol.
Forýmnyń praktikalyq qorytyndysy retinde yntymaqtastyq týraly memorandýmǵa qol qoiyldy. Qujat probatsiia qyzmetiniń esebinde turǵan azamattardy jumyspen qamtý, kásibi oqytý, áleýmettik beiimdeý jáne qaita áleýmettendirý máseleleri boiynsha memlekettik organdardyń, jumys berýshilerdiń jáne qoǵamdyq uiymdardyń birlesken jumysyn kózdeidi.
«220 Volt» kompaniiasynda probatsiia qyzmetiniń esebinde turǵan segiz azamat eńbek etedi.
— Biz jazasyn ótep júrgen adamdarǵa jumys taýyp berýge kómekteskimiz keldi. Búginde kásipornymyzda segiz bilikti maman eńbek etip júr. Olar óz jumysyna jaýapkershilikpen qaraidy. Aldaǵy ýaqytta bul baǵyttaǵy jumysty keńeitýdi josparlap otyrmyz, — dedi kompaniianyń tehnikalyq menedjeri Ánýar Omarov.
Forýmnyń ekinshi bóliminde qatysýshylar adamnyń jibergen qateliginen keiin qoǵamdaǵy tolyqqandy ómirge qaita oralýynda otbasynyń, bilimniń, eńbektiń jáne qoǵamdyq qoldaýdyń rólin talqylady.
