Qaraǵandyda kenshilerden aqsha bopsalaǵan qylmystyq top ustaldy
Jedel-izdestirý is-sharalaryn júrgizý barysynda toptyń osyndai 15 faktige qatysy bar ekeni anyqtaldy.
Sonymen qatar qylmystyq toptyń qatysýshylary qarýlardy qoldanyp, kriminaldyq janjaldarǵa qatysqan jáne atalǵan oblystyń Abai aýdanyna qarasty temirjol stantsiiasynda tasymaldanatyn júkterdi urlaǵan.
Kúdikti adamdardy ustaý barysynda 15-ke jýyq tintý is-sharalary júrgizildi, sonyń nátijesinde tirkelmegen atys jáne sýyq qarýlar, sondai-aq oq-dáriler men dini ádebietter tárkilendi.
Barlyǵy 10 adam ustaldy, olardyń ishinde toptyń kóshbasshysy men eń belsendi tórt múshesi qamaýǵa alyndy.
– Qazirgi ýaqytta qylmystyq top músheleriniń basqa da osyndai qylmystarǵa qatysy bar-joǵy tekserilýde. Qylmystyq is Qaraǵandy oblysy politsiia departamenti tergeý basqarmasymen tergelýde. Qylmystyq protseske qatysýshylardyń múddeleri úshin sotqa deiingi tergep-tekserýdiń basqa málimetteri jariia etilmeidi, – dedi QR IIM uiymdasqan qylmysqa qarsy kúres departamentiniń ókili Qýandyq Alpys.
https://youtu.be/D_jyCdfz_YI
