جەدەل-ىزدەستىرۋ ءىس-شارالارىن جۇرگىزۋ بارىسىندا توپتىڭ وسىنداي 15 فاكتىگە قاتىسى بار ەكەنى انىقتالدى.
سونىمەن قاتار قىلمىستىق توپتىڭ قاتىسۋشىلارى قارۋلاردى قولدانىپ، كريمينالدىق جانجالدارعا قاتىسقان جانە اتالعان وبلىستىڭ اباي اۋدانىنا قاراستى تەمىرجول ستانسياسىندا تاسىمالداناتىن جۇكتەردى ۇرلاعان.
كۇدىكتى ادامداردى ۇستاۋ بارىسىندا 15-كە جۋىق ءتىنتۋ ءىس-شارالارى جۇرگىزىلدى، سونىڭ ناتيجەسىندە تىركەلمەگەن اتىس جانە سۋىق قارۋلار، سونداي-اق وق-دارىلەر مەن ءدىني ادەبيەتتەر تاركىلەندى.
بارلىعى 10 ادام ۇستالدى، ولاردىڭ ىشىندە توپتىڭ كوشباسشىسى مەن ەڭ بەلسەندى ءتورت مۇشەسى قاماۋعا الىندى.
– قازىرگى ۋاقىتتا قىلمىستىق توپ مۇشەلەرىنىڭ باسقا دا وسىنداي قىلمىستارعا قاتىسى بار-جوعى تەكسەرىلۋدە. قىلمىستىق ءىس قاراعاندى وبلىسى پوليسيا دەپارتامەنتى تەرگەۋ باسقارماسىمەن تەرگەلۋدە. قىلمىستىق پروسەسكە قاتىسۋشىلاردىڭ مۇددەلەرى ءۇشىن سوتقا دەيىنگى تەرگەپ-تەكسەرۋدىڭ باسقا مالىمەتتەرى جاريا ەتىلمەيدى، – دەدى ق ر ءىىم ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس.
https://youtu.be/D_jyCdfz_YI
