Qaraǵandyda alty kóliktiń jol apatyna túsýine kináli belgili kásipker Sergei Kamaev bolyp shyqty. Bul týraly "Patriot" telegram arnasy jazdy, - dep habarlaidy Dalanews.kz.
Telegram arnanyń málimetinshe, Kamaevtyń kásibi kólik jasaýmen bailanysty.
"Eger tergeý sýdiasy ony qamaýǵa alý týraly qaýly shyǵarsa, Kamaev sot otyrysyna deiin abaqtyda otyrady. Onyń advokattary úiqamaq nemese elden ketpeý týraly qolhatpen de shyǵaryp alýy múmkin. Kásipker 55 jasta. Ol politsiiaǵa bergen jaýabynda kóligi isten shyǵyp, buzylǵanyn aitqan. Muny tekserý úshin tergeýshi avtotehnikalyq saraptama taǵaiyndaǵan", - dep jazylǵan telegramda.
Jol apaty saldarynan oqiǵa ornynda bir adam qaza tapqan bolatyn. Ol - "Nissan" júrgizýshisi, 1984 jylǵy azamat. Al kólikte otyrǵan jolaýshy áiel júkti bolǵan, qazir ol aýrýhanada.
Jol apaty 2 qyrkúiekte Qaraǵandyda jantúrshigerlik jol apaty bolyp, birden alty kólik soqtyǵysty. Oqiǵa kúndiz saǵat 14.15 shamasynda Amanjolov kóshesinde bolǵan. Jol apaty saldarynan bir adam oqiǵa ornynda mert boldy. Taǵy úsh adam aýrýhanaǵa jetkizildi.
