قاراعاندىدا التى كولىكتىڭ جول اپاتىنا تۇسۋىنە كىنالى بەلگىلى كاسىپكەر سەرگەي كامايەۆ بولىپ شىقتى. بۇل تۋرالى "پاتريوت" تەلەگرام ارناسى جازدى، - دەپ حابارلايدى Dalanews.kz.
تەلەگرام ارنانىڭ مالىمەتىنشە، كامايەۆتىڭ كاسىبى كولىك جاساۋمەن بايلانىستى.
"ەگەر تەرگەۋ سۋدياسى ونى قاماۋعا الۋ تۋرالى قاۋلى شىعارسا، كامايەۆ سوت وتىرىسىنا دەيىن اباقتىدا وتىرادى. ونىڭ ادۆوكاتتارى ءۇيقاماق نەمەسە ەلدەن كەتپەۋ تۋرالى قولحاتپەن دە شىعارىپ الۋى مۇمكىن. كاسىپكەر 55 جاستا. ول پوليسياعا بەرگەن جاۋابىندا كولىگى ىستەن شىعىپ، بۇزىلعانىن ايتقان. مۇنى تەكسەرۋ ءۇشىن تەرگەۋشى اۆتوتەحنيكالىق ساراپتاما تاعايىنداعان"، - دەپ جازىلعان تەلەگرامدا.
جول اپاتى سالدارىنان وقيعا ورنىندا ءبىر ادام قازا تاپقان بولاتىن. ول - "نيسسان" جۇرگىزۋشىسى، 1984 جىلعى ازامات. ال كولىكتە وتىرعان جولاۋشى ايەل جۇكتى بولعان، ءقازىر ول اۋرۋحانادا.
جول اپاتى 2 قىركۇيەكتە قاراعاندىدا جانتۇرشىگەرلىك جول اپاتى بولىپ، بىردەن التى كولىك سوقتىعىستى. وقيعا كۇندىز ساعات 14.15 شاماسىندا امانجولوۆ كوشەسىندە بولعان. جول اپاتى سالدارىنان ءبىر ادام وقيعا ورنىندا مەرت بولدى. تاعى ءۇش ادام اۋرۋحاناعا جەتكىزىلدى.
