Qaraǵandy qalasynyń 22-shaǵynaýdanynda qaiǵyly oqiǵa oryn aldy: 59 jastaǵy áielge jaryq baǵanasy qulap, ol aýrýhanada kóz jumdy, dep habarlaidy Dalanews.kz
Aldyn ala málimetterge sáikes, áiel joldan ótpek bolǵan sátte jaryqtandyrý tiregi kenetten qulaǵan. Aýyr jaraqat alǵan turǵyn shuǵyl túrde meditsinalyq mekemege jetkizilgenimen, dárigerler onyń ómirin saqtap qala almady.
Boljam boiynsha, oqiǵaǵa arnaiy tehnika sebep bolýy múmkin. Qoqys alańynda keri burylǵan júk kóligi kabeldi ilip ketip, sonyń saldarynan baǵana qulaǵan. Alaida júrgizýshi jumys isteitin kompaniia onyń kinásin joqqa shyǵaryp otyr.
Atalǵan derek boiynsha «Abaisyzda adam ólimine ákep soqtyrý» baby negizinde qylmystyq is qozǵaldy. Tergeý amaldary júrgizilýde.
