Qaraǵandyda 200 myńǵa jýyq adam ǵana turatyn aýdandy bezendirýge 950 million teńge aqsha jumsalmaq, - dep habarlaidy Dalanews.kz.
Áńgime qaladaǵy Qazybek bi aýdany jaily bolmaq. Ashyq derekkózdegi málimet boiynsha, aýdanda 192 myń adam turady.
Memlekettik satyp alý portalynda aýdanǵa qatysty qyzyq lot paida bolǵan. Tapsyrys berýshi - Qazybek bi aýdany ákimdiginiń apparaty. Aýdanda aldaǵy úsh jylda bolatyn merekeler kezinde bezendirýge 950 million teńge jumsalmaq. Konkýrsqa qatysýǵa ótinishter 20 naýryzǵa deiin qabyldanady.
Bul qarjy birneshe meiram kúnderi aýdandy bezendirýge jumsalatyn kórinedi. Onyń ishinde, halyqaralyq áielder kúni, Naýryz meiramy, Birlik kúni, Otan qorǵaýshylar kúni jáne taǵy basqalary bar.
Aita keteiik, buǵan deiin Taldyqorǵanda sheneýnikter belgisiz kóshelerdi "jóndeýge" qyrýar qarjy jumsamaq bolǵany anyqtalǵan edi. Quny 500 million teńgeden asatyn qala kóshelerin jóndeýge konkýrs jariialanǵan kezde tapsyrys berýshi jóndeýdi qajet etetin kóshelerdiń ataýlaryn naqtylamaǵan, ár kóshedegi jumystyń smetalyq qunyn anyqtamai, aqaýly aktilerdi usynbaǵan.
