Qaraǵandy oblysynyń Shahtinsk jáne Saran qalalarynda, Abai jáne Buqar-Jyraý aýdandarynda biznes úshin elektr energiiasyna tarifter tómendetildi, - dep habarlaidy Dalanews.kz.
Shahtinsk q., Abai men Buqar-Jyraý aýdandarynda qyzmet kórsetetin «Raschetnyi servisnyi tsentr» JShS QR UEM Tabiǵi monopoliialardy retteý komitetiniń Qaraǵandy oblysy boiynsha departamentine zańdy tulǵalar úshin elektr energiiasyna tarifti 1 kVt/saǵatyna 45,85 teńgeden 41,26 teńgege deiin iaǵni 10%-ǵa tómendetý týraly habarlama berdi.
Osyndai habarlamany Saran q. qyzmet kórsetetin «Energoýgol HHI» JShS de berdi, ol 1 kVt/saǵatyna 47,90 teńgeden 43,13 teńgege deiin 10% - ǵa tómendetti.
Tómendetilgen tarifter 2024 jylǵy 22 mamyrdan bastap qoldanysqa engiziledi.
Tarifti tómendetý QR UEM TMRK aýmaqtyq departamentteri rettelmeitin energiiamen jabdyqtaýshy uiymdardy elektr energiiasymen jabdyqtaý jónindegi qyzmetterge litsenziialardyń qoldanylýyn jaqynda toqtatqannan keiin múmkin boldy.
Eske sala keteiik, bul jumysty Úkimet Memleket basshysynyń deldal uiymdardy, onyń ishinde tutynýshylardy elektrmen jabdyqtaý tizbegindegi ónimsiz deldaldardy joiý jónindegi tapsyrmasy aiasynda júrgizdi.
Tarifti tómendetýdiń alǵysharty tutynýshylardyń (qalanyń zańdy tulǵalary men biýdjettik uiymdarynyń) rettelmeitin energiiamen jabdyqtaýshy uiymdardan elektr energiiasyn kepildi jetkizýshige («Raschetnyi servisnyi tsentr» JShS jáne «Energoýgol HHI» JShS) aýysýyna boldy, bul kepildi jetkizýshiniń kórsetiletin qyzmetteriniń kólemin ulǵaitý jaǵyna, tiisinshe tarifti tómendetýge áser etti.
Elektr energiiasy qyzmetterin úzdiksiz alý úshin buryn rettelmeitin jetkizýshilerdi paidalanǵan Shahtinsk qalasynyń, Abai jáne Buqar-Jyraý aýdandarynyń zańdy tulǵalarynyń «Raschetnyi servisnyi tsentr» JShS-men jedel túrde tiisti sharttar jasasý múmkindigi bar.
Saran qalasynyń zańdy tulǵalarynyń «Energoýgol HHI» JShS-men sol siiaqty tiisti sharttar jasasý múmkindigi bar.
Týyndaǵan suraqtar boiynsha «Raschetnyi servisnyi tsentr» JShS-na júginýge bolady:
✔ Zańdy tulǵalar úshin:
- Qaraǵandy q., Lobody kósh., 35B ǵimarat, telefon 8-7212-90-01-64;
- Shahtinsk q., Leningradskaia kósh., 69 úi telefon 8-72156-3-73-29;
- Abai q., Abai kósh., 32A úi, telefon 8-72131-4-49-48.
Sondai-aq «Energoýgol HHI» JShS:
- Saran q., Pobedy kósh., 28A úi 11, telefon: 8-72137-7-69-40.
