قاراعاندى وبلىسىنىڭ شاحتينسك جانە ساران قالالارىندا، اباي جانە بۇقار-جىراۋ اۋداندارىندا بيزنەس ءۇشىن ەلەكتر ەنەرگياسىنا تاريفتەر تومەندەتىلدى، - دەپ حابارلايدى Dalanews.kz.
شاحتينسك ق.، اباي مەن بۇقار-جىراۋ اۋداندارىندا قىزمەت كورسەتەتىن «راسچەتنىي سەرۆيسنىي سەنتر» ج ش س ق ر ۇەم تابيعي مونوپوليالاردى رەتتەۋ كوميتەتىنىڭ قاراعاندى وبلىسى بويىنشا دەپارتامەنتىنە زاڭدى تۇلعالار ءۇشىن ەلەكتر ەنەرگياسىنا ءتاريفتى 1 كۆت/ساعاتىنا 45،85 تەڭگەدەن 41،26 تەڭگەگە دەيىن ياعني 10%-عا تومەندەتۋ تۋرالى حابارلاما بەردى.
وسىنداي حابارلامانى ساران ق. قىزمەت كورسەتەتىن «ەنەرگوۋگول ءححى» ج ش س دە بەردى، ول 1 كۆت/ساعاتىنا 47،90 تەڭگەدەن 43،13 تەڭگەگە دەيىن 10% - عا تومەندەتتى.
تومەندەتىلگەن تاريفتەر 2024 جىلعى 22 مامىردان باستاپ قولدانىسقا ەنگىزىلەدى.
ءتاريفتى تومەندەتۋ ق ر ۇەم تمرك اۋماقتىق دەپارتامەنتتەرى رەتتەلمەيتىن ەنەرگيامەن جابدىقتاۋشى ۇيىمداردى ەلەكتر ەنەرگياسىمەن جابدىقتاۋ جونىندەگى قىزمەتتەرگە ليسەنزيالاردىڭ قولدانىلۋىن جاقىندا توقتاتقاننان كەيىن مۇمكىن بولدى.
ەسكە سالا كەتەيىك، بۇل جۇمىستى ۇكىمەت مەملەكەت باسشىسىنىڭ دەلدال ۇيىمداردى، ونىڭ ىشىندە تۇتىنۋشىلاردى ەلەكترمەن جابدىقتاۋ تىزبەگىندەگى ءونىمسىز دەلدالداردى جويۋ جونىندەگى تاپسىرماسى اياسىندا جۇرگىزدى.
ءتاريفتى تومەندەتۋدىڭ العىشارتى تۇتىنۋشىلاردىڭ (قالانىڭ زاڭدى تۇلعالارى مەن بيۋدجەتتىك ۇيىمدارىنىڭ) رەتتەلمەيتىن ەنەرگيامەن جابدىقتاۋشى ۇيىمداردان ەلەكتر ەنەرگياسىن كەپىلدى جەتكىزۋشىگە («راسچەتنىي سەرۆيسنىي سەنتر» ج ش س جانە «ەنەرگوۋگول ءححى» ج ش س) اۋىسۋىنا بولدى، بۇل كەپىلدى جەتكىزۋشىنىڭ كورسەتىلەتىن قىزمەتتەرىنىڭ كولەمىن ۇلعايتۋ جاعىنا، تيىسىنشە ءتاريفتى تومەندەتۋگە اسەر ەتتى.
ەلەكتر ەنەرگياسى قىزمەتتەرىن ۇزدىكسىز الۋ ءۇشىن بۇرىن رەتتەلمەيتىن جەتكىزۋشىلەردى پايدالانعان شاحتينسك قالاسىنىڭ، اباي جانە بۇقار-جىراۋ اۋداندارىنىڭ زاڭدى تۇلعالارىنىڭ «راسچەتنىي سەرۆيسنىي سەنتر» جشس-مەن جەدەل تۇردە ءتيىستى شارتتار جاساسۋ مۇمكىندىگى بار.
ساران قالاسىنىڭ زاڭدى تۇلعالارىنىڭ «ەنەرگوۋگول ءححى» جشس-مەن سول سياقتى ءتيىستى شارتتار جاساسۋ مۇمكىندىگى بار.
تۋىنداعان سۇراقتار بويىنشا «راسچەتنىي سەرۆيسنىي سەنتر» جشس-نا جۇگىنۋگە بولادى:
✔ زاڭدى تۇلعالار ءۇشىن:
- قاراعاندى ق.، لوبودى كوش.، 35ب عيمارات، تەلەفون 8-7212-90-01-64؛
- شاحتينسك ق.، لەنينگرادسكايا كوش.، 69 ءۇي تەلەفون 8-72156-3-73-29؛
- اباي ق.، اباي كوش.، 32ا ءۇي، تەلەفون 8-72131-4-49-48.
سونداي-اق «ەنەرگوۋگول ءححى» ج ش س:
- ساران ق.، پوبەدى كوش.، 28ا ءۇي 11، تەلەفون: 8-72137-7-69-40.
