2024 jyldyń 22 tamyzynda Qaraǵandy qalasynda tabiǵi resýrstar basqarmasyna tiesili jańa Kia Sportage qyzmettik kóligi jol apatyna tústi. Bul kólik memlekettik biýdjet esebinen satyp alynǵan, dep habarlaidy Dalanews.kz.
Pisma Prezidentý telegram arnasy atalǵan oqiǵa týraly málimet taratty.
“Resmi qujattarǵa sáikes, basqarma basshysy Bahtiiar Sanbaev júrgizýshiden ózin enesiniń úiine aparýdy talap etken. Keiin júrgizýshi jolshybai tanysy men onyń balasyn alyp ketýge barǵan. Nátijesinde, qyzmettik kólik jeke maqsatta qoldanylyp, apatqa ushyrady”, — deidi derekkóz.
Derekkózdiń málimetinshe, bul jaǵdai sheneýniktiń qyzmet babyn asyra paidalanǵanyn kórsetedi.
“Endi olar halyqtyń aqshasyna taǵy bir kólik satyp almaq pa?”, — dep qosty derekkóz.
Aita keteiik, 2023 jyly Baqtiiar Sanbaev Qaraǵandy oblysynyń tabiǵi resýrstar jáne tabiǵatty paidalanýdy retteý basqarmasynyń basshysy bolyp taǵaiyndalǵan edi.
Eske salaiyq, buǵan deiin Qaraǵandy oblysynyń qurylys, sáýlet jáne qala qurylysy basqarmasy 20,5 million teńgege qyzmettik avtokólik satyp alǵany týraly jazǵan edik. Bul týraly memlekettik satyp alý portalynda jariialanǵan bolatyn.
GosArhiv telegram-arnasynyń málimetinshe, kólik “Hyundai Premium Karaganda” JShS-nen alynǵan. Bul kompaniia “Astana Motors” holdinginiń quramyna kiredi jáne kásipker Nurlan Smaǵulovtyń ieliginde.
“Tehnikalyq sipattamalarǵa sáikes, kóliktiń shyqqan jyly jańa, túsi sur, 2,5 GDI kólemindegi qozǵaltqyshy bar, D-klasyndaǵy jeńil kólik”, — deidi derekkóz.
Satyp alý jónindegi habarlandyrý 18 aqpanda jariialanyp, eki kúnnen keiin kelisimshart jasalǵan. Tenderge basqa kompaniialar qatyspaǵan. Sondyqtan satyp alý bir kózden júzege asqan.
“Bul kelisim qoǵamda kóptegen suraq týyndatyp otyr. Sebebi qańtar aiynda prezident Qasym-Jomart Toqaev memlekettik biýdjetti qatań únemdeýdi tapsyryp, qarjyny tek asa mańyzdy qajettilikterge jumsaý keregin eskertken edi. Memleket basshysy “beldi bekem býatyn ýaqyt kelgenin” aitqan bolatyn. Alaida keibir memlekettik organdar prezidenttiń tapsyrmasyn elemegendei áser qaldyrady”, — dep qosty derekkóz.
Eske salaiyq, buǵan deiin Prezident Toqaev Úkimettiń keńeitilgen otyrysynda elimizdiń ekonomikasy ósip jatqanyn atap ótip, sheshilmegen birqatar túitkildiń bar ekenine nazar aýdarǵan edi.
Memleket basshysynyń aitýynsha, qazirgi álemdegi jaǵdai kúrdeli. Tariftik shielenister men sanktsiialyq teketirester kúsheiip, munyń saldary aýyrlai berýi múmkin. Sonymen qatar, klimattyń ózgerýi "jasyl energetikany" damytý tásilderin qaita qaraýdy talap etedi.
“Bir jaǵynan, bul dástúrli energiia resýrstaryna suranysty arttyrady. Ekinshi jaǵynan, munai, gaz, kómir baǵasynyń turaqsyzdanýyna alyp keledi”, – dedi Toqaev.
Prezident qarjy salasynda kriptovaliýtalar men basqa da tsifrlyq aktivterdiń keńinen qoldanylý úrdisi baiqalatynyn atap ótti. Jasandy intellekt te strategiialyq mańyzǵa ie bolyp, tehnologiialyq alpaýyt elder arasyndaǵy básekelestikti kúsheitip otyr.
“Osyndai jaǵdaida bizde naqty is-qimyl strategiiasy bolýy qajet. Ol strategiia jańa dáýirdiń kúrdeli synaqtarynan ótýge baǵyttalýǵa tiis”, – dedi Prezident.
Toqaev Úkimetke «ekonomikalyq toqyraýdy boldyrmai, ornyqty damýdy qamtamasyz etý úshin» birqatar qiyn sheshimder qabyldaý kerektigin atap ótti.
Memlekettik apparattyń kásibi biliktiligine senim bildirgen Toqaev:
“Memlekettik qyzmetshiler kúrdeli jaǵdailarda tiimdiligin kórsetip, jaýapkershilikti óz moinyna alýy tiis. Halyqaralyq tájiribe dál osyndai kezeńderde atqarýshy biliktiń shynaiy áleýeti aiqyndalatynyn kórsetip otyr”, – dedi.
Prezident biýdjet qarjysyn únemdeý qajettigin de basa aitty.
“Endi beldi bekem býyp, barǵa qanaǵat etýge týra keledi. Úkimet eń ózekti máselelerge ǵana qarjy bólýi kerek”, – dedi Toqaev.
