2024 جىلدىڭ 22 تامىزىندا قاراعاندى قالاسىندا تابيعي رەسۋرستار باسقارماسىنا تيەسىلى جاڭا Kia Sportage قىزمەتتىك كولىگى جول اپاتىنا ءتۇستى. بۇل كولىك مەملەكەتتىك بيۋدجەت ەسەبىنەن ساتىپ الىنعان، دەپ حابارلايدى Dalanews.kz.
پيسما پرەزيدەنتۋ تەلەگرام ارناسى اتالعان وقيعا تۋرالى مالىمەت تاراتتى.
“رەسمي قۇجاتتارعا سايكەس، باسقارما باسشىسى باحتيار سانبايەۆ جۇرگىزۋشىدەن ءوزىن ەنەسىنىڭ ۇيىنە اپارۋدى تالاپ ەتكەن. كەيىن جۇرگىزۋشى جولشىباي تانىسى مەن ونىڭ بالاسىن الىپ كەتۋگە بارعان. ناتيجەسىندە، قىزمەتتىك كولىك جەكە ماقساتتا قولدانىلىپ، اپاتقا ۇشىرادى”، — دەيدى دەرەككوز.
دەرەككوزدىڭ مالىمەتىنشە، بۇل جاعداي شەنەۋنىكتىڭ قىزمەت بابىن اسىرا پايدالانعانىن كورسەتەدى.
“ەندى ولار حالىقتىڭ اقشاسىنا تاعى ءبىر كولىك ساتىپ الماق پا؟”، — دەپ قوستى دەرەككوز.
ايتا كەتەيىك، 2023 جىلى باقتيار سانبايەۆ قاراعاندى وبلىسىنىڭ تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ باسشىسى بولىپ تاعايىندالعان ەدى.
ەسكە سالايىق، بۇعان دەيىن قاراعاندى وبلىسىنىڭ قۇرىلىس، ساۋلەت جانە قالا قۇرىلىسى باسقارماسى 20،5 ميلليون تەڭگەگە قىزمەتتىك اۆتوكولىك ساتىپ العانى تۋرالى جازعان ەدىك. بۇل تۋرالى مەملەكەتتىك ساتىپ الۋ پورتالىندا جاريالانعان بولاتىن.
گوسارحيۆ تەلەگرام-ارناسىنىڭ مالىمەتىنشە، كولىك “Hyundai Premium Karaganda” جشس-نەن الىنعان. بۇل كومپانيا “استانا موتورس” حولدينگىنىڭ قۇرامىنا كىرەدى جانە كاسىپكەر نۇرلان سماعۇلوۆتىڭ يەلىگىندە.
“تەحنيكالىق سيپاتتامالارعا سايكەس، كولىكتىڭ شىققان جىلى جاڭا، ءتۇسى سۇر، 2،5 GDI كولەمىندەگى قوزعالتقىشى بار، D-كلاسىنداعى جەڭىل كولىك”، — دەيدى دەرەككوز.
ساتىپ الۋ جونىندەگى حابارلاندىرۋ 18 اقپاندا جاريالانىپ، ەكى كۇننەن كەيىن كەلىسىمشارت جاسالعان. تەندەرگە باسقا كومپانيالار قاتىسپاعان. سوندىقتان ساتىپ الۋ ءبىر كوزدەن جۇزەگە اسقان.
“بۇل كەلىسىم قوعامدا كوپتەگەن سۇراق تۋىنداتىپ وتىر. سەبەبى قاڭتار ايىندا پرەزيدەنت قاسىم-جومارت توقايەۆ مەملەكەتتىك بيۋدجەتتى قاتاڭ ۇنەمدەۋدى تاپسىرىپ، قارجىنى تەك اسا ماڭىزدى قاجەتتىلىكتەرگە جۇمساۋ كەرەگىن ەسكەرتكەن ەدى. مەملەكەت باسشىسى “بەلدى بەكەم بۋاتىن ۋاقىت كەلگەنىن” ايتقان بولاتىن. الايدا كەيبىر مەملەكەتتىك ورگاندار پرەزيدەنتتىڭ تاپسىرماسىن ەلەمەگەندەي اسەر قالدىرادى”، — دەپ قوستى دەرەككوز.
ەسكە سالايىق، بۇعان دەيىن پرەزيدەنت توقايەۆ ۇكىمەتتىڭ كەڭەيتىلگەن وتىرىسىندا ەلىمىزدىڭ ەكونوميكاسى ءوسىپ جاتقانىن اتاپ ءوتىپ، شەشىلمەگەن ءبىرقاتار تۇيتكىلدىڭ بار ەكەنىنە نازار اۋدارعان ەدى.
مەملەكەت باسشىسىنىڭ ايتۋىنشا، قازىرگى الەمدەگى جاعداي كۇردەلى. تاريفتىك شيەلەنىستەر مەن سانكسيالىق تەكەتىرەستەر كۇشەيىپ، مۇنىڭ سالدارى اۋىرلاي بەرۋى مۇمكىن. سونىمەن قاتار، كليماتتىڭ وزگەرۋى "جاسىل ەنەرگەتيكانى" دامىتۋ تاسىلدەرىن قايتا قاراۋدى تالاپ ەتەدى.
“ءبىر جاعىنان، بۇل ءداستۇرلى ەنەرگيا رەسۋرستارىنا سۇرانىستى ارتتىرادى. ەكىنشى جاعىنان، مۇناي، گاز، كومىر باعاسىنىڭ تۇراقسىزدانۋىنا الىپ كەلەدى”، – دەدى توقايەۆ.
پرەزيدەنت قارجى سالاسىندا كريپتوۆاليۋتالار مەن باسقا دا سيفرلىق اكتيۆتەردىڭ كەڭىنەن قولدانىلۋ ءۇردىسى بايقالاتىنىن اتاپ ءوتتى. جاساندى ينتەللەكت تە ستراتەگيالىق ماڭىزعا يە بولىپ، تەحنولوگيالىق الپاۋىت ەلدەر اراسىنداعى باسەكەلەستىكتى كۇشەيتىپ وتىر.
“وسىنداي جاعدايدا بىزدە ناقتى ءىس-قيمىل ستراتەگياسى بولۋى قاجەت. ول ستراتەگيا جاڭا ءداۋىردىڭ كۇردەلى سىناقتارىنان وتۋگە باعىتتالۋعا ءتيىس”، – دەدى پرەزيدەنت.
توقايەۆ ۇكىمەتكە «ەكونوميكالىق توقىراۋدى بولدىرماي، ورنىقتى دامۋدى قامتاماسىز ەتۋ ءۇشىن» ءبىرقاتار قيىن شەشىمدەر قابىلداۋ كەرەكتىگىن اتاپ ءوتتى.
مەملەكەتتىك اپپاراتتىڭ كاسىبي بىلىكتىلىگىنە سەنىم بىلدىرگەن توقايەۆ:
“مەملەكەتتىك قىزمەتشىلەر كۇردەلى جاعدايلاردا تيىمدىلىگىن كورسەتىپ، جاۋاپكەرشىلىكتى ءوز موينىنا الۋى ءتيىس. حالىقارالىق تاجىريبە ءدال وسىنداي كەزەڭدەردە اتقارۋشى بيلىكتىڭ شىنايى الەۋەتى ايقىندالاتىنىن كورسەتىپ وتىر”، – دەدى.
پرەزيدەنت بيۋدجەت قارجىسىن ۇنەمدەۋ قاجەتتىگىن دە باسا ايتتى.
“ەندى بەلدى بەكەم بۋىپ، بارعا قاناعات ەتۋگە تۋرا كەلەدى. ۇكىمەت ەڭ وزەكتى ماسەلەلەرگە عانا قارجى ءبولۋى كەرەك”، – دەدى توقايەۆ.
