Qaraǵandy oblysynda aýa raiynyń qolaisyzdyǵy, ásirese boran men kóktaiǵaq, kólik qozǵalysyna úlken kedergi keltirdi. Astana men Almaty baǵyttary da jabyq jol ýchaskeleriniń qataryna engen, dep habarlaidy Dalanews.kz.
Oblystyq politsiia departamentiniń habarlaýynsha, óńirde alty jol ýchaskesi áli de jabyq. Sol jerlerde 1418 kólik qalyp qoiǵan, olardyń ishinde:
- 508 jeńil avtokólik,
- 900 júk kóligi,
- 10 avtobýs.
Bul kólikterde jalpy sany 2924 adam bolǵan.
"Jolda qalǵan júrgizýshiler men jolaýshylarǵa qajetti barlyq kómek kórsetilýde. Olarǵa ystyq tamaq pen aýyzsý berilip jatyr. Qajet bolǵan jaǵdaida jylytý oryndaryna nemese túneitin jerlerge jetkiziledi. Qazirgi ýaqytta jol boiyndaǵy dámhanalar, meshitter men internattarda 144 adam ornalastyryldy", – dep málimdedi departament ókilderi.
Sondai-aq qolaisyz aýa raiyna bailanysty jol politsiiasy kúsheitilgen rejimde jumys atqarýda. Oblystaǵy joldarda 35 avtopatrýl men 74 politsiia qyzmetkeri kezekshilik etýde.
