Búgin shahmattan kadetter arasyndaǵy álem chempıonatynyń 380 qatysýshysy bıik taýly Shymbulaq kýrortyn ımprovızasıa sahnasyna aınaldyrdy: sheteldik sportshylar áıgili qazaq bıi «Qara jorǵany» bıledi. Qar jamylǵan taýlar aıasyndaǵy bı sheńberi demalys kúniniń jarqyn aksentine jáne qonaqtar men qabyldaýshy el arasyndaǵy shynaıy mádenı kópirge aınaldy, dep habarlaıdy Dalanews.kz
Ásirese Zımbabve komandasy úshin qarmen alǵashqy kezdesý erekshe áserli sát boldy. Delegasıa jetekshisi doktor Mıkotı Mersı Mýshangve óz áserimen bólisti:
«Biz Qazaqstanǵa alǵash ret kelip otyrmyz. Osyndaı keremet chempıonatty uıymdastyrǵandaryńyz úshin rahmet. Bizge Almaty qalasy óte unady – ol ádemi, jasyl ári qonaqjaı eken. Búgin Shymbulaqta balalarymyz qardy alǵash ret kórdi. Óıtkeni biz ystyq elde turamyz jáne ony ustap kórýdi armandaıtynbyz, al búgin balalar tipti qar atysyp ta oınady».
Týrnırdiń ekvatoryndaǵy chempıonat
Bul ýaqytta Almatyda, Balýan Sholaq atyndaǵy SKK arenasynda, FIDE World Cadet Chess Championships 2025 jalǵasýda. Alty týr oınaldy – joldyń jartysynan óttik. Medal úshin kúreske 88 elden kelgen 842 jas shahmatshy qatysýda: 8, 10 jáne 12 jasqa deıingi uldar (Open) men qyzdar (Girls) sanatynda.
Qazaqstan rekord ornatty: eldiń barlyq 20 óńirinen 229 oıynshy qatysyp otyr. Qatysýshylar sany boıynsha Almaty kósh bastap tur – 86, odan keıin Astana – 47.
Negizgi sanattardaǵy aralyq nátıjeler:
- G8 – Alısha Bısalıeva (Qazaqstan) 6 upaımen kósh bastap tur.
- O8 – 100%-dyq nátıjeni Van Iýısúan (Qytaı) kórsetip keledi, qazaqstandyq Ádınur Ádilbek 5½ upaımen ekinshi orynda.
- G10 – alda WCM Chınzorıg Nandındjıgýýr (Mońǵolıa), qazaqstandyq Mılana Fılıppova men Adelına Nurhanqyzynyń sáıkesinshe 4½ jáne 4 upaıy bar.
- O10 – úndilik AFM Manı Sarbarto kósh bastap tur (6), jeti qazaqstandyq qýǵynshylar tobynda.
- G12 – amerıkalyq WFM Lorı Kú 6 upaı jınady.
- O12 – kóshbasshylar qatarynda almatylyq CM Danıs Qýandyquly jáne túrik sportshysy Alı Poıraz Ýzdemır – 5½ upaıdan.
Erteń qatysýshylar 7-shi týrǵa shyǵady, onda alǵashqy naqty medal úmitkerleri anyqtalmaq.
Týrnırdiń resmı seriktesteri: Sense Robot, Sporttyq nysandar dıreksıasy, «Balýan Sholaq» arenasy, Best Service, Primus Capital, Shymbulak Water, Air Astana áýe kompanıasy, Almaty Tourism Bureau jáne Almaty halyqaralyq áýejaıy.
Aqparattyq qoldaý kórsetkender: DKNews, «Kýrsıv», «Eýrazıa» birinshi arnasy, «7 arna», «Mır» TRK, «Qazsport», «Almaty» telearnasy, Astana TV, Toppress, Dala News, Ult.kz, Today Info, Zakon.kz, ChessBase, Lichess.org, «Chessno govorá» telegram-arnasy, Qalam Balam, ChessBase India jáne Sport Plus.
Dombyra únimen oryndalǵan «Qara jorǵa» bıi men alǵashqy qardy kórip qýanǵan qatysýshylar úshin umytylmas kún syılap, Qazaqstannyń qonaqjaılyǵyn taǵy da aıshyqtap berdi.
