Qańtar oqiǵasynyń qatysýshylaryna bir rettik raqymshylyq jasalady – Toqaev
"Bizge el birligi aýadai qajet. Ereýilge qatysqandar da, kúshtik qurylym qyzmetkerleri de – óz azamattarymyz. Olar sot ádil ótedi dep qana emes, qoǵam keshirimdi bolady dep úmittenip otyr.
Memleket qańtar oqiǵasyna qatysqan, biraq aýyr qylmys jasamaǵan azamattardyń jazasyn jeńildetti.
Zań buzǵandardyń birqatary kinásin túsinip, ótken iske ókinip otyr. Olarǵa keshirimmen qaraǵan durys dep oilaimyn. Sondyqtan, men qańtar oqiǵasyna qatysýshylarǵa bir rettik raqymshylyq jariialaý týraly sheshim qabyldadym», - dep atap ótti QR Prezidenti.
Memleket basshysynyń naqtylai túsýinshe, raqymshylyq tártipsizdik uiymdastyrýǵa qatysqan basty kúdiktilerge, sonymen qatar memleketke opasyzdyq jasaý jáne bilikti kúshpen basyp alýǵa aiyptylarǵa jasalmaidy.
