IIM zańsyz qarý-jaraqty tárkileý jumystaryn jalǵastyryp jatyr, dep habarlaidy Dalanews.kz.
Jyl basynan beri zańsyz ainalymnan ártúrli úlgidegi 580 qarý tárkilendi. Onyń ishinde 63-i - qylmystyq qarý, al 49-y - Qańtar oqiǵasy kezinde urlanǵan qarý. Sonymen qatar, 2 myńnan asa oq-dári tárkilengen.
6 naýryzda Almaty oblysynda oblystyq Politsiia departamenti men UQK departamenti qyzmetkerleri Qonaev qalasynyń shetinde jasyryn qoimany anyqtaǵan. Onda Almaty qalasynda Qańtar oqiǵasy kezinde urlanǵan karabin tárkilendi.
11 naýryzda Jambyl oblysynyń Baizaq aýdanyna qarasty Sarykemer aýylynyń mańynda, Talas ózeniniń jaǵasynan kriminaldyq politsiia qyzmetkerleri Taraz qalasynda Qańtar oqiǵasy kezinde urlanǵan ańshy myltyqtaryn tapqan.
