«Dıkıı Arman» laqap atymen tanymal Arman Jumageldıevke qatysty sot úkimi shyqty, dep habarlaıdy Dalanews.kz.
Almaty qalasynyń mamandandyrylǵan aýdanaralyq ákimshilik sotynda qaralǵan qylmystyq is barysynda Jumageldıevke Qańtar oqıǵasy kezinde 24 adamdy urlap áketti, jábirlenýshilerdi qonaqúılerdiń avtoturaqtarynda uryp-soǵyp, azaptap ustady degen aıyp taǵyldy.
Sot úkimine sáıkes ol 20 jylǵa sottaldy.
Byltyrǵy jyldyń 21 qyrkúıeginde Arman Jumageldıevke, sondaı-aq eks-depýtat Qaırat Qudaıbergen, Ulttyq qaýipsizdik komıtetiniń polkovnıgi Rýslan Ysqaqov jáne taǵy basqa tulǵalarǵa qatysty aldyn-ala tyńdaý aıaqtalǵan bolatyn. Jalpy 42 adam jaýapqa tartyldy.
Esterińizge sala keteıik, «Dıkıı Arman» laqap atymen tanylǵan krımınal avtorıtet Arman Jumageldıev 2022 jyldyń 7 qańtarynda ustalǵan edi. Bas prokýratýranyń málimetinshe, ol Ulttyq qaýipsizdik komıtetiniń kýratorynyń basshylyǵymen áreket etken.
