«ديكيي ارمان» لاقاپ اتىمەن تانىمال ارمان جۇماگەلدييەۆكە قاتىستى سوت ۇكىمى شىقتى، دەپ حابارلايدى Dalanews.kz.
الماتى قالاسىنىڭ مامانداندىرىلعان اۋدانارالىق اكىمشىلىك سوتىندا قارالعان قىلمىستىق ءىس بارىسىندا جۇماگەلدييەۆكە قاڭتار وقيعاسى كەزىندە 24 ادامدى ۇرلاپ اكەتتى، جابىرلەنۋشىلەردى قوناقۇيلەردىڭ اۆتوتۇراقتارىندا ۇرىپ-سوعىپ، ازاپتاپ ۇستادى دەگەن ايىپ تاعىلدى.
سوت ۇكىمىنە سايكەس ول 20 جىلعا سوتتالدى.
بىلتىرعى جىلدىڭ 21 قىركۇيەگىندە ارمان جۇماگەلدييەۆكە، سونداي-اق ەكس-دەپۋتات قايرات قۇدايبەرگەن، ۇلتتىق قاۋىپسىزدىك كوميتەتىنىڭ پولكوۆنيگى رۋسلان ىسقاقوۆ جانە تاعى باسقا تۇلعالارعا قاتىستى الدىن-الا تىڭداۋ اياقتالعان بولاتىن. جالپى 42 ادام جاۋاپقا تارتىلدى.
ەستەرىڭىزگە سالا كەتەيىك، «ديكيي ارمان» لاقاپ اتىمەن تانىلعان كريمينال اۆتوريتەت ارمان جۇماگەلدييەۆ 2022 جىلدىڭ 7 قاڭتارىندا ۇستالعان ەدى. باس پروكۋراتۋرانىڭ مالىمەتىنشە، ول ۇلتتىق قاۋىپسىزدىك كوميتەتىنىڭ كۋراتورىنىڭ باسشىلىعىمەن ارەكەت ەتكەن.
