Sol siiaqty Panfilov, Eńbekshiqazaq, Qaratal aýdandary men Qapshaǵai qalasynyń densaýlyq saqtaý júiesi de qatań synǵa alyndy.
Ákimdik jiynynda 2021-2025 jyldarǵa arnalǵan «Deni saý ult» árbir azamat úshin sapaly jáne qoljetimdi densaýlyq saqtaý» ulttyq jobasyn iske asyrý týraly másele qaraldy. Osy taqyrypty taldaǵan oblystyq densaýlyq saqtaý basqarmasynyń basshysy Ómirzaq Niiazbekov óńirdegi meditsinalyq nysandardyń qurylysy men jóndeý jumystary, olardy materialdyq-tehnikalyq qamtamasyz etý, áleýmettik mańyzdaǵy syrqattardy erte kezden anyqtaý sharalary, maman tapshylyǵyn boldyrmaý jáne basqa da máselelerge keńinen toqtaldy.
Máselen, jalpy oblysta 834 uiym meditsinalyq qyzmet kórsetedi, sonyń 753-i – aýyldyq jerde. Olardy zamanaýi joǵary tehnologiialy qural-jabdyqtarmen qamtý úshin biyl 4,4 mlrd teńge bólingen. Bul kórsetkish 2020 jylmen salystyrǵanda 79%-ten 91%-ke artyp otyr.
Búgingi kúni oblystaǵy meditsinalyq uiymdarda 6 magnittik-rezonanstyq tamograf, 17 kompiýterlik tomograf, 4 angiograf, 53 rentgen apparaty, 606 IVL apparaty bar. Ottegi stansasymen 17 aýrýhana qamtylǵan.
Óńirde 4 580 dáriger jumys isteidi. Áli de 292 maman qajet. Sonyń ishinde Taldyqorǵan qalasyna – 94, Eńbekshiqazaq aýdanyna – 33, Kerbulaq aýdanyna 20 dáriger kerek. Bul rette atalǵan aýdandardyń basshylary kadr tartý úshin qarastyryp jatqan sharalary – mamandarǵa turǵyn úi berý, kótermeaqy tóleý jaiyn baiandady.
Sol siiaqty májiliste ana men bala ólimine erekshe mán berildi. Ómirzaq Niiazbekovtiń aitýynsha, oblysta ótken jyly 24 jaǵdai tirkelgen. Osyǵan jol bergen bir bas dáriger men bas dárigerdiń orynbasary jumystan bosatyldy, meditsinalyq uiymdardyń 10 basshysyna, 57 mamanyna qatań sógis berildi. Akýsherlik is boiynsha Respýblikalyq aýyr akýsheriia ortalyǵynyń jáne Kovid-ortalyǵynyń mamandarynan konsýltatsiia alý jolǵa qoiylǵan. Máselen, 2021 jyly 116 ret osyndai konsýltatsiia alyndy. Degenmen qabyldanyp otyrǵan sharalarǵa qaramastan Talǵar, Panfilov, Eńbekshiqazaq, Qaratal aýdandary men Qapshaǵai qalasynda ana men bala ólimi oryn alǵan.
Oblys ákimi atalǵan aimaqtardyń bas dárigerlerin kezegimen turǵyzyp, jaýap berýlerin talap etti. Olardyń kópshiligi áielderdiń der kezinde tirkeýge turmaitynyn, anemiia jáne basqa da syrqattarynan ýaqytyly emdelmeitinin, júkti áielderdiń koronavirýs juqtyrý faktileri áser etkenin alǵa tartty.
Sol siiaqty mundai jaǵdaidy boldyrmaýǵa yqpal etetin shara retinde sońǵy kezde satyp alynǵan zamanaýi quraldary jaily da aitty. Jaýaptarǵa qanaǵattanbaǵan Qanat Bozymbaev:
– Adam ólimi, ana men bala ólimi bolmaýy tiis, olar ómir súrýi kerek! Bárińiz koronavirýsty syltaý etip otyrsyzdar. Indet sizderge ǵana kelgen joq, búkil elde boldy. Basqa aýdandar da kovid jaǵdaiynda jumys istedi. Olardyń kadrlary sizderdiń dárigerlerge qaraǵanda tájiribeli shyǵar, múmkin. Sonaý shalǵai aýdandar – Kegen, Raiymbekte, máselen, ana men bala ólimi bolǵan joq. Sizder megapolistiń janynda otyryp, sondai faktilerge jol berip otyrsyzdar.
Mysaly, Talǵar aýdanynyń aýrýhanasy jekege ótkeli ǵimaratty jóndeý, jabdyqtaý jaǵynan ilgerileý bolǵanymen, qyzmet kórsetý sapasy tómendedi. Bizge eń aldymen investitsiia emes, adamnyń ómiri kerek!
Bárińizge qatań eskertemin, jumys isteńizder! Jergilikti okrýg ákimderi júkti áielderdi tirkeýge ýaqytyly alýda dárigerlerge kómektessin. Biz densaýlyq saqtaý salasyna kadr tartý, qarjylai qoldaý, materialdyq bazany nyǵaitý jaǵynan qoldaý kórsetemiz jáne soǵan sáikes sizderden oń nátije talap etetin bolamyz! – dedi Qanat Bozymbaev.
