Qazaqstan Densaýlyq saqtaý mınıstrligine qarasty Sanıtarıalyq-epıdemıologıalyq baqylaý komıteti áleýmettik jelilerde taraǵan Oreo pechenesiniń salmasy "plasıkten jasalǵan" jáne ónim "qan tamyrlaryn biteıdi" degen aqparatty joqqa shyǵardy. Vedomstvo bul málimdemelerdiń ǵylymı dáleli joq ekenin atap ótti, dep habarlaıdy Dalanews.kz.

Komıtettiń habarlaýynsha, 2025 jyly atalǵan ónimge zerthanalyq taldaýlar júrgizilgen. Tekserý nátıjesinde mıkrobıologıalyq jáne toksıkologıalyq normalardyń saqtalǵany belgili boldy. Sonymen qatar pecheneniń tańbalanýy qoldanystaǵy talaptarǵa tolyq saı keledi. Osyǵan baılanysty mınıstrlik azamattardy tek resmı aqparat kózderine senýge shaqyrdy.