QR Premer-ministri Oljas Bektenovtiń tóraǵalyǵymen Úkimet otyrysy ótti. Kún tártibinde kommýnaldyq jáne ónerkásiptik qaldyqtardy basqarý máseleleri talqylandy. Oǵan Qyzylorda oblysynyń ákimi Nurlybek Nálibaev selektorlyq rejim arqyly qatysty, dep habarlaidy Dalanews.kz
Qyzylorda óńirinde kommýnaldyq jáne ónerkásiptik qaldyqtardy basqarý baǵytynda jumys jasaityn 24 kásipkerlik sýbektisi bar. Ótken jyly jinalǵan 303 myń tonna kommýnaldyq qaldyqtyń 91 myń tonnasy, 135 myń tonna ónerkásiptik qaldyqtyń 107 myń tonnasy óńdeldi.
Memleket basshysynyń iri qalalarda qatty turmystyq qaldyqtardy qaita óńdeitin zaýyttar salý tapsyrmasyna sáikes «Jasyl Damý» aktsionerlik qoǵamymen birlesken jumystar atqarylýda. Turmystyq qatty qaldyqtardy basqarý salasynda 42 mlrd. 504 mln. teńgege 9 jobany júzege asyrý josparlanǵan.
Oblys ortalyǵynda 41 mlrd. 200 mln. teńgege 3 joba qolǵa alynyp, injenerlik infraqurylym jelileri jetkizilgen. Ońtústik Koreia tehnologiiasy boiynsha quny 9 mlrd. 535 mln. teńge bolatyn qatty turmystyq qaldyqtardy suryptaý, óńdeý jáne kádege jaratý zaýytynyń qurylysy bastaldy. Onda jylyna 300 myń tonna qaldyqty suryptaý, qaldyqty órteý arqyly elektr energiiasyn óndirý kózdelýde.
Mamyr aiynda shyny ydystar óndirý jobasyn bastaý josparlanǵan. Jylyna 220 mln. dana bótelke shyǵaratyn zaýytqa shikizat retinde respýblika aýmaǵynan jinaqtalatyn shyny qaldyqtary qoldanylmaq. Odan bólek, qala aýmaǵyndaǵy turmystyq qaldyqtardy suryptaý jáne óńdeý jobasynyń qujattary ázirlenýde.
