Májilis depýtattary áleýmettik jelide keń tarap ketken eks-depýtat Maqsat Ramanqulovtyń mereitoiyna qatysty pikir bildirdi, - dep habarlaidy Dalanews.kz.
Depýtat Qazybek Isa eks-áriptesine arasha túsip, onyń qaiyrymdylyq áreketteri týraly aitty.
"Qazaqta bir sóz bar, sony uǵyp alyńdar aldymen: "shaqyrǵan jerden qalma, shaqyrmaǵan jerge barma" deidi. Ózderińiz toiǵa, shaqyrǵanǵa barmaisyzdar ma sonda? Kásipker toiyn jasamasyn degen uǵym bar ma? Keshegi Qulsaryǵa tasqynda 5 million aýdarǵan, bilesizder me, 15 mashina jibergen. Sol jerdegi qarttar úiine, jetim balalarǵa tamaq berdi", - dedi Qazybek Isa.
Al Azat Perýashev Ramanqulov depýtattyqqa deiin de kásipker bolǵanyn alǵa tartty.
"Bul suraqty onyń ózine qoiý kerek. Óitkeni ol bizdiń áriptesterimizdi týǵan kúnine shaqyrdy. Týǵan kúnge barǵanda, onda ne daiyndalǵanyn bilmeisiń ǵoi, bul birinshi. Ekinshiden, Maqsat Ramanqulov - iri kásipker. Tek Astana boiynsha jiyrma shaqty turǵyn úi keshenin saldy. Iaǵni jaǵdaiy bar kásipker. Ol depýtattyqqa deiin bizneste, depýtattyqtan keiin de bizneske qaityp keldi, ári qarai biznesin júrgizip jatyr. Ol qai deńgeide týǵan kúnin ótkizgisi keletinin ózi biledi ǵoi. Bul kisiniń eńbegi arqyly myńdaǵan otbasy baspanaly bolyp otyr", - dedi Azat Perýashev.
Sonymen qatar, Perýashev te burynǵy áriptesiniń elge kómegi týraly aitty.
"Myna qyzyqty qarańyz. Biz ózi jylý jinap, júk kólikterin kómekke Petropavlǵa jibergen videosyn jariialadyq. Nege muny eshkim kórsetpeidi? Bári onyń týǵan kúnin qalai toilaǵanyn talqylap jatyr"- dep májilismen.
Aita keteiik, jelini shýlatqan toida bas júlde retinde Astanadan páter oinatyldy. Baspanadan bólek júldege Samsung telefondary, 10 Iphone, Dýbai jáne Italiiaǵa joldama, kólik tigilgen.
