"قالاي جاساعىسى كەلەدى، ءوزى بىلەدى". ءماجىلىس دەپۋتاتتارى ۇلان اسىر توي جاساعان ەكس-ارىپتەسىنە اراشا ءتۇستى

Cاعىنىش سارداروۆا 29 مام. 2024 21:28 376601

ءماجىلىس دەپۋتاتتارى الەۋمەتتىك جەلىدە كەڭ تاراپ كەتكەن ەكس-دەپۋتات ماقسات رامانقۇلوۆتىڭ مەرەيتويىنا قاتىستى پىكىر ءبىلدىردى، - دەپ حابارلايدى Dalanews.kz.

دەپۋتات قازىبەك يسا ەكس-ارىپتەسىنە اراشا ءتۇسىپ، ونىڭ قايىرىمدىلىق ارەكەتتەرى تۋرالى ايتتى.

"قازاقتا ءبىر ءسوز بار، سونى ۇعىپ الىڭدار الدىمەن: "شاقىرعان جەردەن قالما، شاقىرماعان جەرگە بارما" دەيدى. وزدەرىڭىز تويعا، شاقىرعانعا بارمايسىزدار ما سوندا؟ كاسىپكەر تويىن جاساماسىن دەگەن ۇعىم بار ما؟ كەشەگى قۇلسارىعا تاسقىندا 5 ميلليون اۋدارعان، بىلەسىزدەر مە، 15 ماشينا جىبەرگەن. سول جەردەگى قارتتار ۇيىنە، جەتىم بالالارعا تاماق بەردى"، - دەدى قازىبەك يسا.

ال ازات پەرۋاشيەۆ رامانقۇلوۆ دەپۋتاتتىققا دەيىن دە كاسىپكەر بولعانىن العا تارتتى.

"بۇل سۇراقتى ونىڭ وزىنە قويۋ كەرەك. ويتكەنى ول ءبىزدىڭ ارىپتەستەرىمىزدى تۋعان كۇنىنە شاقىردى. تۋعان كۇنگە بارعاندا، وندا نە دايىندالعانىن بىلمەيسىڭ عوي، بۇل ءبىرىنشى. ەكىنشىدەن، ماقسات رامانقۇلوۆ - ءىرى كاسىپكەر. تەك استانا بويىنشا جيىرما شاقتى تۇرعىن ءۇي كەشەنىن سالدى. ياعني جاعدايى بار كاسىپكەر. ول دەپۋتاتتىققا دەيىن بيزنەستە، دەپۋتاتتىقتان كەيىن دە بيزنەسكە قايتىپ كەلدى، ءارى قاراي بيزنەسىن جۇرگىزىپ جاتىر. ول قاي دەڭگەيدە تۋعان كۇنىن وتكىزگىسى كەلەتىنىن ءوزى بىلەدى عوي. بۇل كىسىنىڭ ەڭبەگى ارقىلى مىڭداعان وتباسى باسپانالى بولىپ وتىر"، - دەدى ازات پەرۋاشيەۆ.

سونىمەن قاتار، پەرۋاشيەۆ تە بۇرىنعى ارىپتەسىنىڭ ەلگە كومەگى تۋرالى ايتتى.

"مىنا قىزىقتى قاراڭىز. ءبىز ءوزى جىلۋ جيناپ، جۇك كولىكتەرىن كومەككە پەتروپاۆلعا جىبەرگەن ۆيدەوسىن جاريالادىق. نەگە مۇنى ەشكىم كورسەتپەيدى؟ ءبارى ونىڭ تۋعان كۇنىن قالاي تويلاعانىن تالقىلاپ جاتىر"- دەپ ماجىلىسمەن.

ايتا كەتەيىك، جەلىنى شۋلاتقان تويدا باس جۇلدە رەتىندە استانادان پاتەر ويناتىلدى. باسپانادان بولەك جۇلدەگە Samsung تەلەفوندارى، 10 Iphone، دۋباي جانە يتالياعا جولداما، كولىك تىگىلگەن.


ۇسىنىلعان
سوڭعى جاڭالىقتار