BQO, Kaztalov aýdany, Jalpaqtal aýylynda «Qaladan – aýylǵa» baǵdarlamasy aiasynda qaladan kóship kelgen meditsina salasy mamandaryna turǵyn úi kiltteri saltanatty túrde tabystaldy,- dep habarlaidy Dalanews.kz
Atalǵan is-sharaǵa qatysqan Batys Qazaqstan oblysy ákiminiń orynbasary Tlepbergen Kaiýpov aýylǵa kelip, halyq saýlyǵy jolynda eńbek etip júrgen mamandarǵa alǵysyn bildirip, qýanysh ielerine turǵyn úilerdiń kiltin tabystady.
– Memleket basshysynyń aýyldardy damytý jónindegi tapsyrmalaryn júzege asyrý aiasynda óńirimizde oblys ákimi Nariman Tóreǵaliulynyń bastamasymen «Qaladan – aýylǵa» jobasy iske qosyldy. Jobanyń negizgi maqsaty – qalada turatyn aýyl azamattaryn týǵan aýylyna qaita oraltý arqyly aýyldyq eldi mekenderdiń áleýmettik-ekonomikalyq áleýetin arttyrý, kadr tapshylyǵy máselesin sheshý. Osy baǵytta oblys kóleminde júrgizilgen jumystar óz nátijesin berýde, — dedi oblys ákiminiń orynbasary.
“Qaladan aýylǵa” baǵdarlamasy aiasynda Jalpaqtal aýylyna qonys aýdarǵan dárigerlerdiń qatarynda týǵan jerine qaita oralǵan aýyl týmasy da bar. Sonymen qatar Qyzylorda, Taraz jáne Qostanai óńirlerinen kelgen jalpy tájiribeli dáriger, reanimatolog-anesteziolog, akýsher-ginekolog syndy mamandar da eldi mekendegi meditsinalyq kómekti jaqsartýǵa úles qosýda.
Jalpy ótken jyly Kaztalov aýdanyna jalpy 19 otbasy, iaǵni 106 adam atalǵan baǵdarlama arqyly kóship kelgen.
