Almaty ippodromynyń ieleri naýryz aiynyń sońyna deiin onyń damý baǵdarlamasyn usynýy tiis. Bul týraly shahar basshysy Jetisý aýdany turǵyndarymen kezdesý barysynda málimdedi, – dep habarlaidy Dalanews.kz Almaty qaalasy ákiminiń baspasóz qyzmetine silteme jasap.
«Eger menshik ieleri jańartý jumystaryn júrgizbese, biz jańa investor izdeimiz nemese bul mindetti qala óz moinyna alýy múmkin, biraq bul óte qymbat joba. Jazǵa deiin Almaty ippodromynyń bolashaǵy qalai bolatynyn anyqtaýǵa tyrysamyz», – dedi Erbolat Dosaev.
Qala ákiminiń aitýynsha, ótken jyldan beri ippodrom ielerimen kelissózder júrgizilip jatyr. Olar naýryz aiynyń sońyna deiin damý baǵdarlamasyn usynýy kerek, bul eń aldymen, aitarlyqtai qarjyny qajet etedi. Degenmen, Erbolat Dosaev ippodromnyń maqsatty baǵyty ózgerissiz qalatynyn atap ótti.
