Sheshenstan prezidenti Ramzan Qadyrov taǵy bir týysy - Isa Ibragimovti mádeniet ministri qyzmetine taǵaiyndady, - dep habarlaidy Dalanews.kz "Kavkaz.Realii" basylymyna siltep.
Basylym málimetinshe, mamyrda Ibragimov Sheshenstan Úkimeti men ákimshilik basshysynyń orynbasary boldy.
Jańa taǵaiyndaý týraly "Groznyi-inform" memlekettik aqparattyq agenttigi habarlaǵan.
Isa Ibragimov 18 jasynan bastap ákimshilik qyzmetterdi atqara bastaǵan. Eń alǵash Qadyrov ony vitse-premerdiń kómekshisi etip taǵaiyndasa, keiinnen Ibragimov jastar isi jónindegi ministr bolǵan.
Sonymen qatar, Isa Ibragimov dene shynyqtyrý jáne sport ministri boldy.Artynsha Qadyrov bul ministrlikti basqarýǵa uly Adamdy ákeldi.
Aita keteiik, 2021 jylǵa deiin mádeniet ministrligin Qadyrovtyń úlken qyzy Aishat Qadyrova basqarǵan. Aishat vitse-premer bolyp taǵaiyndalyp, ministr qyzmetinen ketti.
