شەشەنستان پرەزيدەنتى رامزان قادىروۆ تاعى ءبىر تۋىسى - يسا يبراگيموۆتى مادەنيەت ءمينيسترى قىزمەتىنە تاعايىندادى، - دەپ حابارلايدى Dalanews.kz "كاۆكاز.رەاليي" باسىلىمىنا سىلتەپ.
باسىلىم مالىمەتىنشە، مامىردا يبراگيموۆ شەشەنستان ۇكىمەتى مەن اكىمشىلىك باسشىسىنىڭ ورىنباسارى بولدى.
جاڭا تاعايىنداۋ تۋرالى "گروزنىي-ينفورم" مەملەكەتتىك اقپاراتتىق اگەنتتىگى حابارلاعان.
يسا يبراگيموۆ 18 جاسىنان باستاپ اكىمشىلىك قىزمەتتەردى اتقارا باستاعان. ەڭ العاش قادىروۆ ونى ۆيسە-پرەمەردىڭ كومەكشىسى ەتىپ تاعايىنداسا، كەيىننەن يبراگيموۆ جاستار ءىسى جونىندەگى مينيستر بولعان.
سونىمەن قاتار، يسا يبراگيموۆ دەنە شىنىقتىرۋ جانە سپورت ءمينيسترى بولدى.ارتىنشا قادىروۆ بۇل مينيسترلىكتى باسقارۋعا ۇلى ادامدى اكەلدى.
ايتا كەتەيىك، 2021 جىلعا دەيىن مادەنيەت مينيسترلىگىن قادىروۆتىڭ ۇلكەن قىزى ايشات قادىروۆا باسقارعان. ايشات ۆيسە-پرەمەر بولىپ تاعايىندالىپ، مينيستر قىزمەتىنەن كەتتى.
