Maqala sharýashylyq qurý úshin Jer telimderin surap ótinish hat jazǵan qandastarymyzǵa Aqmola oblystyq Jer qatynastary basqarmasynyń basshysy Almagúl Qadyralinanyń «Jer kodeksi» men «Halyqtyń kóshi-qony týraly» Zań jobasyndaǵy normalardy burmalap túsindirgen jaýabyna bailanysty edi.
Jer suraǵan qandastarymyzǵa dál sol Qadyralinansha jaýap bergen Aqmola oblysy, Ereimentaý aýdanynyń ákimi Ermek Nuǵymanov týraly 13 naýryz kúni atalmysh saitta «ERMEK NUǴYMANOV ELBASYNYŃ ZAŃYNA QARSY MA?» (http://abai.kz/post/view?id=13002 ) degen meniń de maqalam jaryq kórgen.
Atalǵan eki maqalanyń aldyńǵysy QR Premer-Ministriniń orynbasary, QR Aýyl sharýashylyǵy ministri Asqar Myrzahmetovtyń atyna jazylypty.
10 naýryz kúni Qazaqstan Respýblikasynyń Aýyl sharýashylyǵy birinshi vitse-ministri Qairat Aitýǵanov «Nur Otan» partiiasynyń Respýblikalyq qoǵamdyq qabyldaý bólmesinde azamattarmen qabyldaý ótkizgen kezde oralman aǵaiyndar kelip, osy Jer máselesine bailanysty ótinishterin aitty. Pariianyń Respýblikalyq qoǵamdyq qabyldaý bólmesiniń meńgerýshisi Jumajan Júkenov te Aýyl sharýashylyǵy ministrliginiń osy túiinge nazar aýdarýyn ótindi.Birinshi vitse-ministri Q.Aitýǵanov kómekshisi arqylyQR Aýyl sharýashylyǵy vitse-ministri Erlan Nysanbaevqa tapsyrma berip, qandastrymyzdyń Zań boiynsha jer alý máselesindegi kedergini sheshýdi buiyrǵan edi.
Búgin Aýyl Sharýashylyǵy ministrliginde Erlan Nuralyulynyń tóraǵalyǵymen sol JER týraly jinalys ótti.
Jinalysqa QR Aýyl sharýashylyǵy vitse-ministriniń keńesshisi Turǵanbai Tájmaǵambet, QR Aýyl sharýashylyǵy vitse-ministriniń Jer resýrstaryn basqarý komitetiniń tóraǵasy Ermek Karentaev, onyń orynbasary Gúljahan Bimendina, quqyqtyq qamtamasyz etý basqarmasynyń basshysy Almas Toqsanbaev jáne Jer qatynastaryn damytý jáne jerge ornalastyrýdy damytý basqarmasynyń bas sarapshysy Asel Qyryqbaeva qatysty.
Telekópir arqyly bailanysqa shyqqan Aqmola oblystyq Jer qatynastary basqarmasynyń basshysy Almagúl Qadyralinanyń qaitatyn tóri joq, áli qasarysyp otyr. Birde «Jer zańnamasynyń keibir normalaryn qoldanýǵa moratorii engizý týraly Qazaqstan Respýblikasy Prezidentiniń 2016 jylǵy 6 mamyrdaǵy №248 Jarlyǵyn», birde Qazaqstan Respýblikasynyń azamattyǵy týraly zańdy kóldeneń tartyp, biraz kósildi. Sondaǵyaitpaǵy: «Oralman» - sheteldik, azamattyǵy joq adam nemese sheteldik zańdy tulǵaǵa jatatyn kórinedi. Sondyqtan olarǵa Jer berýge bolmaidy-mys! Al, ózi «oralman – tarihi otanynda turaqty turý maqsatynda Qazaqstan Respýblikasyna kelgen jáne osy Zańda belgilengen tártippen tiisti mártebe alǵan, Qazaqstan Respýblikasy egemendik alǵan kezde onyń sheginen tys jerde turaqty turǵan etnikalyq qazaq jáne onyń Qazaqstan Respýblikasy egemendik alǵannan keiin onyń sheginen tys jerde týylǵan jáne turaqty turǵan ulty qazaq balalary;» dep, oralmandarǵa zańda berilgen anyqtamany zýlatyp otyr.
Biraq, Almagúl Amanjolqyzy osy anyqtamadaǵy «osy Zańda belgilengen tártippen tiisti mártebe alǵan»degen túiindi túsinip turǵan joq. Sondai-aq, anyqtamada«Oralmandardy» «sheteldik», «azamattyǵy joq adam» nemese «sheteldik zańdy tulǵa»demei, «etnikalyq qazaq» jáne «onyń ulty qazaq balalary»dep taiǵa basqan tańbadai etip atap kórsetkenin de ańǵaratyn túri kórinbeidi. «Jer kodeksiniń» 46-babynda, «Halyqtyń kóshi-qony týraly» Zańynyń 23-babynda Oralmandarǵa jer telimi beriledi dep ne úshin kórsetilgeni Almagúl Qadyralinanyń qaperine kirip shyǵatyn emes. Tipti, «Jeri bólisýge jatpaityn memlekettik aýyl sharýashylyǵy uiymdarynyń quramynan shyqqan jáne shartty jer úlesi quqyǵy buryn berilmegen osy aýmaqta turatyn azamattardyń, sondai-aq ORALMANDARDYŃ sharýa nemese fermer qojalyǵyn nemese aýyl sharýashylyǵy óndirisine bailanysty ózge de qyzmetti júrgizýi úshin arnaiy jer qorynyń jerinen birinshi kezekte jer ýchaskesin alýǵa quqyǵy bar»degen«Jer Kodeksiniń» 100-babyn oqymaǵan kórinedi...
Qazaq kóshi bastalǵaly 25 jyl boldy. Kóshi-qon saiasaty jolǵa qoiylǵaly da sherik ǵasyrdan asyp barady. Al, Jer Kodesiniń sońǵy ret ózdertýler men tolyqtyrýlar engizilgenine de kóp bola qoiǵan joq. Onyń búgingi sózderin tyńdap, shetten oralǵan qandastarymyzǵa degen kózqarasynyń qai deńgeide ekenin birden anyq ańǵardyq. Almagúl Qadyralinanyń búkil mártebesi men quqyqǵy zańmen erekshe bekitilgen óz qandastaryn ózge kelimsekterdiń qataryna qoiýy nemese qoiýǵa tyrysýy – uiat! Masqara!! Ózi Zańǵa shorqaq bolsa, Zańgerleri men mamandary ne bitirip otyr?!Oralmandarǵa Jer telimderin berýge kelgende Ult Kóshbasshysy Nursultan Nazarbaevtyń ózi qol qoiǵan Zańdarǵa senbei, búirekten syiraq shyǵarǵany jynyńdy ustatady eken!
Negizi, Zań boiynsha, Qardyralinalar Oralmandarǵa Jerdi Jerden shuqysa da taýyp berýge mindetti!!!
QR Aýyl sharýashylyǵy vitse-ministri Erlan Nysanbaevtan bastap, jinalysqa qatysqan Zańger – mamandar «Jer zańnamasynyń keibir normalaryn qoldanýǵa moratorii engizý týraly» Prezidentiniń №248 Jarlyǵynnyń Oralmandarǵa qatysy joq ekenin, «Oralman» degenniń óz aldyna bólek mártebe ekenin aityp edi, A.Qadyralinanyń júni jyǵylǵandai boldy!
Aldaǵy jerde Jerge bailanysty Zańdardy negizge ala otyryp, QR Aýyl sharýashylyǵy ministrligi Aqmola oblysynyń Jer qatynastary basqarmasyna arnaiy túsinikteme hat túsiretin bolyp kelisti.
A. Qadyralina sol hattyń sheshimine qarai jumys júrgizedi.
Biz máseleniń oń sheshiletinine bek senimdimiz!
24.03.2017
Astana
