Qadir túni meshitte ótpeitin boldy
Konferentsiia barysynda bas imam eldegi indettiń aldyn alý maqsatynda biyl Qadir túnin otbasymen birge úide ótkizý týraly keńes berdi.
– Búkil álem aýyr synaqty bastan keship jatyr. Indet elimizdegi keibir dini sharalardyń ótýine aitarlyqtai keri áserin tigizdi. Desek te, virýsty biz birge jeńýimiz kerek. Ol úshin shekteý sharalaryn qatań saqtaýǵa shaqyramyn. Pandemiialyq jaǵdaiǵa bailanysty biyl Qadir túnin meshitte ótkizbeitin boldyq. Sondyqtan onlain ýaǵyz aitý is-sharalaryn ótkizetin bolamyz, – dedi bas imamy Ermek Muqatai.
Onyń aitýynsha, endi óńirde karantin talaptaryn saqtai otyryp, meshitte juma namazyn oqýǵa bolady.
– Osy jumadan bastap meshitte juma namazyn oqýǵa ruqsat etildi. Iaǵni, indettiń órshýiniń aldyn alý maqsatynda juma namazyn meshittiń aýlasynda oqityn bolamyz. Meshitke kelýshiler mindetti túrde maska men qolǵap bolýy kerek. Sonymen qatar, dáretti shyǵar kezde úiden alyp, múmkin bolsa ózderińizben birge jainamaz ala kelýdi suraimyz, – dedi Ermek Muqatai.
