«Qazsýshar» RMK-nyń «Q. Sátbaev atyndaǵy kanal» filialy jeti jańa transformatordy jinaqtaý jáne paidalanýǵa berý jumystaryn júrgizip jatyr. Sý resýrstary jáne irrigatsiia ministri Nurjan Nurjigitov filialdyń 2025 jyldyń basynan beri atqarǵan jumysy týraly esebin tyńdady, dep habarlaidy Dalanews.kz.
Búginde kanalda tórt jańa transformator iske qosyldy. Al qalǵan úsheýin 2026 jyly paidalanýǵa berý josparlanyp otyr.
Nysandy keshendi qaita jańǵyrtý jónindegi Jol kartasyna sáikes, 2028 jyldyń sońyna deiin Q. Sátbaev atyndaǵy kanalda barlyǵy 17 jańa transformator ornatylyp, 19 nasos qondyrǵysy aýystyrylady.
2025 jyldyń sońyna deiin kanalda tórt nasos qondyrǵysyn aýystyrý josparlanǵan. Qazirgi ýaqytta olardyń ekeýin ornatý jumystary bastaldy.
«Memleket basshysynyń Q. Sátbaev atyndaǵy kanaldy jańǵyrtý jáne rekonstrýktsiialaý jónindegi tapsyrmasy belgilengen kestege sai júzege asyrylyp jatyr. Nysandaǵy jumystar sý resýrstaryna degen suranystyń artýyna bailanysty júrgizilýde. Joba eldi mekender men ónerkásip oryndaryn sýmen jabdyqtaý sapasyn jaqsartady. Sondai-aq kanaldyń uzaq merzimdi ári qaýipsiz jumys isteýin qamtamasyz etedi», – dedi Sý resýrstary jáne irrigatsiia vitse-ministri Erbolat Ibraihanov.
