Shyǵys Qazaqstan oblysynda áleýmettik mańyzy bar azyq-túlik taýarlarynyń (ÁMAT) baǵasyn turaqtandyrý baǵdarlamasy aiasynda «Ertis» áleýmettik-kásipkerlik korporatsiiasynyń saýda pavilondarynda (Stabfond dúńgirshekteri) maýsymaralyq kezeńge arnalǵan kókónis pen bakaleia ónimderi bekitilgen baǵamen satylyp jatyr, – dep habarlaidy Dalanews.kz
31 shildege deiin myna ónimder turaqty baǵamen usynylady:
- kartop – 263 tg/kg;
- sábiz – 185 tg/kg;
- piiaz – 145 tg/kg;
- qyryqqabat – 263 tg/kg.
- qaraqumyq jarmasy – 181 tg/kg;
- kúrish – 432 tg/kg;
- qant – 417 tg/kg;
- ósimdik maiy – 720 tg/kg;
- makaron ónimderi – 305 tg/kg.
– Maýsymaralyq turaqtandyrý sharalary kókónis baǵasynyń dástúrli túrde kóteriletin kezeńinde halyqty qoldaýǵa baǵyttalǵan. Kóktemde egis jumystary kezinde naryqtaǵy ónim kólemi azaiyp, bul jekelegen taýar túrleriniń qymbattaýyna ákeledi, – dep túsindirdi «Ertis» ÁKK ókilderi.
Tamyz, qyrkúiek jáne qazan ailarynda, aýyl sharýashylyǵy óndirýshileri men saiajai ieleri naryqqa belsendi túrde ónim jetkizetin kezeńde, turaqtandyrý baǵasymen satý ýaqytsha toqtatylady. Bul jergilikti óndirýshilerge óz ónimderin erkin ótkizýge múmkindik berý úshin jasalady.
Biylǵy jyldyń 1 qarashasynan kelesi jyldyń mamyr aiyna deiin baǵany turaqtandyrý baǵdarlamasynyń kúzgi-qysqy kezeńi qaita bastalady. Qazirgi ýaqytta áleýmettik mańyzy bar azyq-túlik, sonyń ishinde kókónis ónimderin jetkizý boiynsha kelisimsharttar jasalǵan. Bul aldaǵy maýsymda baǵanyń turaqtylyǵyn qamtamasyz etýge múmkindik beredi. Sonymen qatar, kelesi kóktemge arnalǵan taýarlyq qorlar da qarastyrylǵan.
