شىعىس قازاقستان وبلىسىندا الەۋمەتتىك ماڭىزى بار ازىق-تۇلىك تاۋارلارىنىڭ (ءامات) باعاسىن تۇراقتاندىرۋ باعدارلاماسى اياسىندا «ەرتىس» الەۋمەتتىك-كاسىپكەرلىك كورپوراسياسىنىڭ ساۋدا پاۆيلوندارىندا (ستابفوند دۇڭگىرشەكتەرى) ماۋسىمارالىق كەزەڭگە ارنالعان كوكونىس پەن باكالەيا ونىمدەرى بەكىتىلگەن باعامەن ساتىلىپ جاتىر، – دەپ حابارلايدى Dalanews.kz
31 شىلدەگە دەيىن مىنا ونىمدەر تۇراقتى باعامەن ۇسىنىلادى:
- كارتوپ – 263 تگ/كگ؛
- ءسابىز – 185 تگ/كگ؛
- پياز – 145 تگ/كگ؛
- قىرىققابات – 263 تگ/كگ.
- قاراقۇمىق جارماسى – 181 تگ/كگ؛
- كۇرىش – 432 تگ/كگ؛
- قانت – 417 تگ/كگ؛
- وسىمدىك مايى – 720 تگ/كگ؛
- ماكارون ونىمدەرى – 305 تگ/كگ.
– ماۋسىمارالىق تۇراقتاندىرۋ شارالارى كوكونىس باعاسىنىڭ ءداستۇرلى تۇردە كوتەرىلەتىن كەزەڭىندە حالىقتى قولداۋعا باعىتتالعان. كوكتەمدە ەگىس جۇمىستارى كەزىندە نارىقتاعى ءونىم كولەمى ازايىپ، بۇل جەكەلەگەن تاۋار تۇرلەرىنىڭ قىمباتتاۋىنا اكەلەدى، – دەپ ءتۇسىندىردى «ەرتىس» اكك وكىلدەرى.
تامىز، قىركۇيەك جانە قازان ايلارىندا، اۋىل شارۋاشىلىعى وندىرۋشىلەرى مەن ساياجاي يەلەرى نارىققا بەلسەندى تۇردە ءونىم جەتكىزەتىن كەزەڭدە، تۇراقتاندىرۋ باعاسىمەن ساتۋ ۋاقىتشا توقتاتىلادى. بۇل جەرگىلىكتى وندىرۋشىلەرگە ءوز ونىمدەرىن ەركىن وتكىزۋگە مۇمكىندىك بەرۋ ءۇشىن جاسالادى.
بيىلعى جىلدىڭ 1 قاراشاسىنان كەلەسى جىلدىڭ مامىر ايىنا دەيىن باعانى تۇراقتاندىرۋ باعدارلاماسىنىڭ كۇزگى-قىسقى كەزەڭى قايتا باستالادى. قازىرگى ۋاقىتتا الەۋمەتتىك ماڭىزى بار ازىق-تۇلىك، سونىڭ ىشىندە كوكونىس ونىمدەرىن جەتكىزۋ بويىنشا كەلىسىمشارتتار جاسالعان. بۇل الداعى ماۋسىمدا باعانىڭ تۇراقتىلىعىن قامتاماسىز ەتۋگە مۇمكىندىك بەرەدى. سونىمەن قاتار، كەلەسى كوكتەمگە ارنالعان تاۋارلىق قورلار دا قاراستىرىلعان.
