Májilis depýtaty Tańsáýle Serikov elde Paralimpiadaǵa óz deńgeiinde qarjy bólinbeitinin ashyq synaǵan edi. Osy jaitqa qatysty Qazaqstannyń áýe-sporttyq ekvilibri boiynsha federatsiiasy ókilderi úndeý jariialady, - dep habarlaidy Dalanews.kz.
Serikovtyń aitýynsha, Qazaqstanda striptiz kórsetiletin sportqa aqsha bólinedi.
"Olimpiadalyq emes sport túrlerin qoldaimyz, jaqsy, jaraisyzdar. Al múgedekter toqaldan týdy ma? Birde-bireýine qoldaý kórsetilmeidi. Múgedekter de sportpen shuǵyldanǵysy keledi.Múgedekter de adamdar, olar da altyn ákeledi. Niderlandy bir jyl ishinde Olimpiadaǵa 41 million dollar jumsaidy, elge 36 medal ákeledi, onyń 10-y altyn. Qazaqstanda 775 million dollar jumsaimyz, biraq 8 qola medal ákelemiz. Paralimpiadamen salystyryńyz. ...Bizdiń para velosipedshilerimizdi saýsaqpen sanaýǵa bolady, biraq olarǵa velosiped satyp alyp bere almaimyz. Velosiped Qazaqstanǵa jetkenshe, onyń baǵasy 9 millionnan 36 millionǵa deiin ósip ketedi. Sodan keiin oǵan búkil el bolyp jinap beremiz. Biraq bul rette memleket striptiz kórsetiletin sport túrine aqsha bóledi",- degen edi depýtat.
Daýly depýtattyq saýaldan keiin sportshylar bas kóterdi. Qazaqstannyń áýe-sporttyq ekvilibr boiynsha federatsiiasynyń ókilderi Prezident Qasym-Jomart Toqaevqa videoúndeý joldady.
"Pilondaǵy sport striptizge teń emes. Bul - kókjiegi tar adamdardyń oiy. Pilondaǵy sport - kóp ýaqytty, kúsh pen tózimdilikti qajet etetin sport. ...Bizdiń federatsiiadaǵy sportshylardyń basym bóligi - kámelet jasyna tolmaǵan balalar. Olar - halyqaralyq, álem chempionattarynyń júldegerleri. ...Qurmetti Prezident osy máseleni sheshýińizdi suraimyz jáne balalarymyzdyń, sporttyń qorǵalatynyna senemiz", - dedi Qazaqstannyń áýe-sporttyq ekvilibr boiynsha federatsiiasy ókilderi.
