Reseı prezıdenti Vladımır Pýtınniń Marálahtı shyǵanaǵyndaǵy rezıdensıasynyń sýretteri men vıdeolary tarady. Túrli BAQ málimetinshe, úsh zamanaýı úıden turatyn rezıdensıada eki tikushaq alańy, birneshe ıahta pırsy, hanbalyq fermasy jáne mármár sıyr etin óndirýge arnalǵan sıyrlary bar ferma bar, - dep habarlaıdy Dalanews.kz.

"Azattyq radıosynyń" málimetinshe, rezıdensıa aımaǵy da kishkentaı emes: qujat boıynsha – 1 sharshy kılometr. Biraq qorshalǵan ormandar men shyǵanaqtardy esepke alǵanda jalpy aýmaq tórt sharshy shaqyrymdy alyp jatyr.

currenttime.tv

Rezıdensıa aýmaǵyna "Ladojskıe shhery" ulttyq parkiniń quramyndaǵy Marálahtı tórt metr sarqyramasy da kirip ketken. Endi sarqyramaǵa ózge adamdarǵa barýǵa shekteý engizilgen. Rezıdensıany zerttegenderdiń sózinshe, sarqyramaǵa qarama-qarsy jerde Pýtın otyryp demalýy úshin samaljaı qoıylǵan.

Pýtınde Karelıada rezıdensıa bary týraly 2016 jyly "Dojd" telearnasy habarlaǵan bolatyn. Reseı prezıdenti rezıdensıanyń qurylysyn Sankt-Peterbýrgtegi mıllıarder dostaryna, onyń ishinde Iýrıı Kovalchýkke senip tapsyrǵan. Jergilikti turǵyndar Pýtın "soltústik rezıdensıasyna" jylyna keminde bir ret Valaam monastrine barǵannan keıin kelip turatynyn aıtady.

Rezıdensıa 10 jyl boıy salynǵan. Onyń syrtqy kórinisinen foto jáne vıdeolar bolǵanymen, ǵımarattardyń ishinde ne bary áli kúnge deıin belgisiz.

Reseılik BAQ málimetinshe, olıgarh Roman Obramovıch Pýtınniń "kórshisi" bolyp shyqqan. Abramovıchtiń rezıdensıasy Pýtınniń Marálahtıdegi rezıdensıasynyń janynda kórshi ornalasqan eken.

24tv.ua