– Biz qalaiyq, qalamaiyq, shyndyqtyń betine týra qaraǵanda, dál búgingi kúni Pýtin álemdik deńgeidegi birinshi nómirli lider. Onyń qasynda Baidenniń ózi bala. Syrttai qansha kijingenmen, betpe-bet kelgende onyń da tizesi dirildeidi. Ózinde de, sózinde de ses joq. Al eýropa kósemderi bolsa, shetinen qyzteke. Birde bireýinde erkektik minez baiqalmaidy. Olarǵa qaraǵanda Lýkashenko táýir. Onyń da bir aitary bar. Zelenskii bolsa, ártis. Pýtinmen shendesetin tek qytai kósemi ǵana. Onyń ózi orysqa dostyq peiil tanytady.
Qudaishylyǵyna kelsek, iadrolyq qarýdyń qyzyǵyn keshegi KSRO-dan keiin kórgen osy Pýtekeń. Búkil álemge «kelseń kel» dep aibat shegip otyrǵany sondyqtan.
Shyntýaityna kelgende, dál osylai aibat shege almasa, ol «temir-tersektiń» ne keregi bar? Alaida ondai minez tanytý úshin de birinshi nómirli lider bolý kerek. Al Pýtin sol adam. Ras, osydan onshaqty jyl buryn osyndai teke-tireste onyń da daýsy qyńsylap shyǵatyn. Al qazir basqa. Mynaý múlde ózge Pýtin.
Pýtindi maqtaǵym joq. Biraq shyndyq qymbat. Men de erteńgi kúni bolýy múmkin soǵysta Reseidiń byt-shyt bolyp jeńilgenin qalaimyn. Tipti, bólshekteýge tússe eken dep te armandaimyn.
Biz tek sol kezde ǵana shynaiy táýelsizdikke qol jetkizer edik. Eń bolmaǵanda aldaǵy kúnderi salynýy múmkin sumdyq sanktsiialardan ekonomikasy múlde quldyrap, halqy tezek terip ketse eken dep te qiialdap qoiamyn. Sol kezde Pýtinniń ózi tyǵylatyn jer tappai qalar edi.
Biraq olai bolmaidy. Resei Ýkrainany jaýlap alady. NATO qashanǵysyndai oiynnan tys qalady. Shyntýaityna kelgende, olarǵa da jan kerek. Eýropa soǵysqa aralaspaidy. Sebebi, bári de iadrolyq qarýdan aiaq tartady.
Al Resei kúnnen-kúnge aibarlana túsedi. Qytaimen odaqtasady. Ne kerek, jańa turpattaǵy KSRO-ny qaita qalyptastyrady. Bul – aqiqat. Al oǵan kim qarsy tura alady?! Óz basym qarsy tura alatyn bireý-mireýdi kórip turǵanym joq. Ras, Amerika bastaǵan kúshtiń Reseidi bólshektep tastaýǵa kúshi jetedi. Biraq oǵan eshqaisysy da táýekel ete almaidy. Sebebi, lider emes.
Jalǵyz ǵana úmit bar. Ol – Alla. Óz basym Alla Taǵala qazaq basyna túsýi múmkin mundai qasyretke jol bermeidi dep oilaimyn. Biraq qalai jol bermeidi? Ony bilmeimin. Bilýshi – Alla.
