Premer-ministrdiń birinshi orynbasary Roman Skliar Qazaqstandaǵy iri jobaǵa reseilikterdiń qandai qatysy baryn aitty, - dep habarlaidy Dalanews.kz.
Onyń sózinshe, eldegi jylý elektr ortalyqtaryn reseilik kompaniia salady. Osylaisha Kókshetaýda, Semei men Óskemende jylý elektr ortalyqtary paida bolady.
Úkimet basshysynyń orynbasarynyń sózine súiensek, reseilikter JEO-ny óz qarjysyna salady. Negizgi jaýapkershilik "Inter RAO" kompaniialar tobynda. Bul kompaniianyń Eýropadaǵy bólimshelerine santsiia salynǵan. Oǵan sebep basshylarynyń Pýtinmen jaqyn bailanysy bar.
"Samuryq Energo" jáne reseilik "Inter RAO" kompaniiasy arasynda kelisimge qol qoiylǵan. Jobada Resei Federatsiiasynyń tehnologiialary qoldanylady.
Al jobaǵa salynǵan aqsha Tabiǵi monopoliialardy retteý komiteti bekitetin tarif esebinen qaitarylady eken.
"Ol jerde (JEO-da) zeinetaqy qorynyń qarjysy qoldanylmaidy. Sheteldik investorlardyń qarajaty paidalanylady jáne olar tabiǵi monopoliialardy retteý komiteti bekitetin tarif esebinen qaitarylady. Kelisimderge "Inter-RAÝ" kompaniiasy men osy stantsiialardy birlesip salatyn "Samuryq-Energo" kompaniiasy qol qoidy. Biraq investitsiia "Báiterek" holdinginiń qarjysynan túspeidi. Men muny basyp aita alamyn", - dedi Skliar.
