"Bul týraly qansha ret aitýǵa bolady (kúldi). Mundaidy ashyp aitýǵa bolmaidy. Eshkimge bul jaiynan tis jaryp, aitpadym. Tek sol kúni tańerteń, qalai degenmen de úlken kórshimiz ǵoi, Pýtinge qońyraý shaldym, ol eseńgirep qaldy, aityp jatyrmyn, búgin keshke jariialaimyz deimin, solai sheshtim, óz aýzymnan estisin dep aityp jatyrmyn, sonymen bitti!
Memleket basshylary ishinen odan basqasynyń eshqaisysy bilgen joq. Onyń ústine bul sheshim aldynda - 2015 jyly pisirilip qoiǵan bolatyn. 75 jyldyq mereitoiym ótti, sol kezde osy men úshin jetkilikti shek dep sheshtim. Qazaqstan halyqtary Assambleiasy meniń qyzmetimdi sailaýsyz ómir boiyna uzartý úshin búkil Qazaqstan boiynsha qol jinady", - dedi Nazarbaev.
Onyń aitýynsha, sol kezde óziniń qarsylyǵyna qaramastan búkil el boiynsha 5 million qol jinaldy, bul sailaýshylardyń 65% quraidy.
"Bir sózben aitqanda, men qazirdiń ózinde sailanyp qoiǵanmyn dep aitýǵa bolady. Sodan turdym da aittym: "Jaraidy, biz kezekten tys sailaý ótkizetinimizdi jariialaimyz, adamdar óz pikirin bildirsin" dedim. Alǵashqy jalpyhalyqtyq sailaý 1991 jyly ótti - 98,8%. Sońǵysy - 2015 jyly: 97,8%. Senim osyndai boldy, 80% -dan tómendegen emes. Eger kim de kim oidan alynǵan san dep aitsa, solai-aq oilai bersin, biraq bul 60% emes, 51% emes, qalai 80 nemese 90%-dy jazyp alýǵa bolady.
2015 jyly adamdar daýys berý úshin kezekke turdy. Ómir boiyna adamdardyń osyndai senimine ie bolǵanym, árine janymdy tebirentti.
Mine, ózime degen senimniń osyndai shyńynda ketýime týra keldi. Sondyqtan, osylai isteý kerek dep sanadym. Meniń kóz aldymda KSRO basshylarynyń birqatary ótti. Brejnevtiń, Andropovtyń jáne Chernenkonyń jerleý rásimine qatystym, bul bir jaǵynan. Ekinshi jaǵynan, adami múmkindikterdiń de shegi bar ǵoi", - dep túsindirdi Elbasy.
Ol otstavkaǵa ketýine qosymsha taǵy bir sebep bolǵanyn, iaǵni omyrtqasyn emdetý qajet bolǵanyn aitty.
"Bul týraly eshqashan aitqan emespin, endi ǵana aityp otyrmyn, meniń omyrtqama ota jasaldy. Óte aýyr ota edi. 8 naýryzda kontsertke bardyq. Bir ýaqytta kontsert aiaqtaldy. Men ornymnan turdym, sonymen bitti, aiaǵym qozǵalmaidy. Qatyp qalǵan. Sodan kúzetshini shaqyrdym. "Qasyma tur!" dedim. Baldaq siiaqty onyń qolynan ustap aldym. "Endi aqyryndap jyljiyq, adamdar baiqap qoimasyn" dedim, zal toly bolatyn. Sóitip shyǵyp kettik.
Sóitsem omyrtqamda bir kiltipan bary belgili boldy. Ota jasady. Solai emdelip aldym. Qazir bári jaqsy.
Bala kezimde qyzyldardyń komandiri týraly film kórgenmin, sonda ol jaralanady, al otriad shabýylǵa shyǵýy tiis, biraq oǵan qimyldaýǵa múlde bolmaidy, sol kezde ol jarasyn ózin tartyp tańyp, aiaǵynan turyp, "komandir kez kelgen jaǵdaida aq attyń ústinde, qoldyń basynda bolýy kerek" dep aitady", - dep eske aldy QR Tuńǵysh prezidenti.
Onyń pikirinshe, prezident úshin solai bolýy kerek.
"Prezident naýqastansa, ol memleket basshysy emes. Bul sizdiń jaǵdaiyńyz, al memlekettiń buǵan ne qatysy bar, ol zardap shekpeýi kerek qoi, osylai saparlap júre beresiz be, qanshama kezdesý bar, 350 kezdesý, kóz aldyńyzǵa elestete alasyz ba?! Al mundai densaýlyqpen qaida barasyz? Bul 2011 jyl bolatyn. Sodan keiin taǵy jóndelýge týra keldi, ol da qiyn ota edi. Jaqsy hirýrg kezikti. Tájiribeli. Mine, osy jaittar da meniń sheshimime áser etti. Bul týraly men eshqashan aitqan emespin, ol úshin keshirersizder. Endi ony qalai aitasyz, jumys isteý kerek, áli de ketýge daiyn emes edim, óitkeni murager máselesi sheshilmegen bolatyn. Aqyry bir sheshimge keldim, onym durys boldy dep oilaimyn. Sodan beri eki jyldan astam ýaqyt ótti, oǵan esh ókinbeimin. Osy jaǵdaidan basqa dertim bolǵan emes, qazir de aýyryp júrgenim joq", - dep sózin qorytyndylady Nazarbaev.
https://youtu.be/4bZMn989a18
Taǵy oqyńyz:
https://dalanews.kz/news/69350-nur-otan-medicina-qyzmetkerlerining-kasib
